లాక్ డౌన్ టైంలో వరుస ఓటిటి సినిమాలు మరియు సీరీస్ ల సక్సెస్ తో ఫుల్ బిజీ అయిపోయిన హీరో సత్యదేవ్. తను కెరీర్ మొదట్లో హీరోగా చేసి, చాలా రోజులుగా థియేటర్ రిలీజ్ కి నోచుకోని సినిమా ‘గువ్వ గోరింక’. 2017 లో తీసిన ఈ సినిమా ఇన్నాళ్ళకి ఓటిటి ద్వారా రిలీజయ్యింది.
కథ:
శిరీష(ప్రియా లాల్)కి సంగీతం అంటే పిచ్చి.. వయోలిన్ లో మాస్టర్స్ చేయాలనుకుంటుంది, కానీ వాళ్ళ నాన్న పెళ్లి చేయాలనుకుంటాడు. తన స్టడీస్ పూర్తి చేసాక నాన్న చెప్పిన బావనే పెళ్లి చేసుకుంటా అని హైదరాబాద్ వస్తుంది. తను దిగిన పక్క ఫ్లాట్ లో సౌండ్ అంటే అలర్జీ ఉన్న సదానంద్(సత్యదేవ్) ఉంటాడు. సౌండ్ లేని మెషిన్ తయారు చేయాలనే ప్రాజెక్ట్ పై పి.హెచ్.డి చేస్తుంటాడు. ఒకరిని ఒకరు కలుసుకోక పోయినా మొదట్లో టామ్ అండ్ జెర్రీ లా కొట్టుకున్న వీళ్ళిద్దరూ తర్వాత ఫ్రెండ్స్ గా మారడం, ఆ తర్వాత ఒకరిని ఒకరు ఇష్టపడతారు. ఓ రోజు సదానంద్ కి శిరీష పెళ్లిపై వాళ్ళ నాన్నకి ఇచ్చిన మాట గురించి తెలుస్తుంది. దాంతో ఇద్దరి మధ్యా దూరం పెరుగుతుంది. అసలు చూడకుండానే ఒకరి ప్రేమలో ఒకరు పడిపోయిన సదానంద్ – శిరీషలు కలిసారా? లేదా? వారు అనుకున్న గోల్స్ రీచ్ అయ్యారా? లేదా? అనేదే కథ.
తెర మీద స్టార్స్..
ఇది చాలా రోజుల క్రితం సినిమా అయినప్పటికీ సత్యదేవ్ సైలెన్సర్ పాత్రలో బాగా చేసాడు. లవ్ స్టోరీకి తగిన ఎమోషన్స్ ని పర్ఫెక్ట్ గా పలికించాడు. నటుడిగా తనకి మైలేజ్ పెంచేలానే ఈ సినిమాలోనూ నటించాడు. ఇక కొత్తగా పరిచయం అయిన ప్రియా లాల్ కూడా చాలా బాగా చేసింది. ఇద్దరూ ఒకరిని ఒకరు చూసుకోకుండా ప్రేమని, ఫీలింగ్స్ ని షేర్స్ చేసుకునే సీన్స్ లో హావభావాలు బాగా పలికించారు. కమెడియన్స్ అయిన రాహుల్ రామకృష్ణ, ప్రియదర్శి లు అక్కడక్కడా నవ్వించారు. మధుమిత, చైతన్యలు కూడా ఓకే అనిపించారు.
తెర వెనుక టాలెంట్..
ముందుగా హైలైట్ గా నిలిచిన డిపార్ట్మెంట్స్ గురించి మాట్లాడుకుంటే.. ఆర్ట్ డైరెక్టర్ సాంబశివరావు వర్క్ చాలా బాగుంది. ఒక ఫ్లాట్ ని చాలా బాగా డిజైన్ చేయడం వలన విజువల్స్ ఒకేచోట అయినా బోర్ కొట్టదు. మైల్స్ రంగస్వామి సినిమాటోగ్రఫీ కూడా చాలా బాగుంది. ప్రధానంగా చెప్పుకోవాల్సింది సురేష్ బొబ్బిలి మ్యూజిక్. మంచి ఫీల్ ఉన్న బ్యాక్ గ్రౌండ్ మ్యూజిక్ తో లవ్ సీన్స్ లో మెప్పించాడు. ప్రణవ్ మిస్త్రీ ఎడిటింగ్ మాత్రం బాగా సాగదీసినట్టు అనిపిస్తుంది.
బమ్మిడి జగదీశ్వరరావు డైలాగ్స్ చాలా సింపుల్ గా ఓకే అనిపిస్తాయి, కానీ ఎమోషనల్ సీన్స్ లో ఇంకాస్త బెటర్ గా ఉంటే మంచి ఎమోషనల్ కనెక్ట్ వచ్చేది. ఇక డైరెక్టర్ మోహన్ బమ్మిడి విషయానికి వస్తే, కథ చాలా సింపుల్, చెప్పాలంటే ఒక 30 నిమిషాల షార్ట్ ఫిల్మ్ కి పర్ఫెక్ట్ గా సరిపోయే కథ. అలాంటి కథతో 2 గంటల సినిమా చేశారు. అందుకే కథని బాగా సాగదీసి చెబుతున్నారు అనే ఫీలింగ్ మొదటి 20 నిమిషాల్లోనే కలుగుతుంది. అలాగే కథనంలో కూసింత కూడా స్పీడ్ లేకపోవడం, పోనీ పాత్రల ద్వారా అయినా కథనం ఆసక్తిగా మారుతుందా? అంటే అదీ లేకపోవడం వలన బాగా అంటే బాగా బోర్ కొట్టేస్తుంది. ఇక డైరెక్టర్ గా నటీనటుల నుంచి నటనని రాబట్టుకోగలిగాడు కానీ రాసుకున్న కథని, ఎమోషన్స్ ని ఆడియన్స్ కి రీచ్ చేయాలేకపోయాడు. దానికి ప్రధాన కారణం ప్రేమ కథ, కథనం అందరికీ తెలిసినవే కావడం. అలాగే హీరో పాత్రకి సౌండ్ అంటే అలర్జీ అనే ప్రాబ్లెమ్ ని చెప్పాడు, కానీ ఆ పాత్రని సరిగా డిజైన్ చేసుకొని వాడుకోలేదని చెప్పాలి. చిన్న బడ్జెట్ అయినా ప్రొడక్షన్ వాల్యూస్ మాత్రం బాగున్నాయి.
విజిల్ మోమెంట్స్:
– సత్యదేవ్, ప్రియా లాల్ నటన
– సురేష్ బొబ్బిలి మ్యూజిక్
బోరింగ్ మోమెంట్స్:
– అదే ప్రేమ కథ
– అంతకన్నా బోర్ కొట్టించే కథనం
– ఎమోషనల్ గా కనెక్ట్ చేయలేకపోవడం
– సాగదీత అండ్ రన్ టైం
– నవ్వించలేకపోవడం
– వీక్ డైరెక్షన్
విశ్లేషణ:
‘గువ్వ గోరింక’ మనందరికీ బాగా పరిచయం ఉన్న పేరు, వినగానే బాగా అనిపించే సౌండ్ అండ్ ప్రేమ కథకి పర్ఫెక్ట్ టైటిల్ కూడా.. సినిమా చూసాక ఈ పర్ఫెక్షన్ టైటిల్ దగ్గరే ఆగిపోయింది అనిపిస్తుంది. టెక్నికల్ గా కొన్ని బాగా అనిపించినా, కథ – కథనాలే సినిమాని ప్రేక్షకులకి చేరువ చేస్తాయి. కానీ ఏవీ కనెక్ట్ కాలేదు. మామూలుగానే ఈ సినిమా మూడున్నరేళ్లు ఆలస్యంగా రిలీజయింది, అలాగే అంతకన్నా పాత కథ అవ్వడం వలన, షార్ట్ ఫిల్మ్ కి సరిపోయే పాయింట్ ని సినిమాగా తీయడం లాంటి విషయాల వలన ఈ ‘గువ్వ గోరింక’ జంట ప్లాప్ జంటగా నిలిచింది.
చూడాలా? వద్దా?: సీరియల్స్ స్టైల్ లో కాస్త కాస్త చూడాలన్నా కష్టమే సుమీ.!
తెలుగుబులెటిన్.కామ్ రేటింగ్ : 1/5
Ich Beachten dies wie es Gele mit ein Post Ich in letzter
Zeit herauszufinden zu einem Pokerspiel Bot.
Der Definition Free Roll impliziert vielen Webseiten bieten eine Einladung in teilnehmen in Wettbewerbe Online
ohne Kosten für Ihre Anforderungen.
273723 501841hi and thanks regarding the particular post ive genuinely been searching regarding this kind of information online for sum time these days hence thanks a whole lot 659683
453610 465368Completely pent subject matter, regards for entropy. 98620
813823 622534Spot lets start on this write-up, I seriously believe this incredible web site requirements a lot more consideration. Ill far more likely once again to read a great deal much more, a lot of thanks that info. 864696
87295 61963Great day! Do you know if they make any plugins to protect against hackers? Im kinda paranoid about losing everything Ive worked hard on. Any tips? 910030