Samyuktha Menon: సంయుక్త మేనన్( Samyuktha Menon)ఈ మధ్యకాలంలో టాక్ ఆఫ్ ది టాలీవుడ్ గా మారింది. ఆమె నటించిన సినిమాలన్నీ సూపర్ హిట్ కావడమే అందుకు కారణం. ఇటీవల విడుదలైన ‘విరుపాక్ష( Virupaksha) ‘సినిమా కూడా విజయం సాధించడంతో గోల్డెన్ లేడీగా పేరు తెచ్చుకుంది. తాజాగా సంయుక్త తాను గోల్డెన్ హార్ట్ లేడీ అని కూడా ప్రూవ్ చేసుకుంది. కాలేజీ విద్యార్థినికి స్కూటీ బహుమతిగా ఇచ్చి తన మంచి మనసు చాటుకుంది.
‘విరూపాక్ష’ ప్రమోషన్లలో భాగంగా ఓ ఛానల్లో ప్రసారమవుతున్న రియాల్టీ షోలో సంయుక్త, సాయిధరమ్ తేజ్( Sai Dharam Tej)పాల్గొన్నారు. ఆ షోలో గెలుపొందిన వారికి స్కూటీ బహుమతిగా వస్తుందని యాంకర్ ప్రకటించాడు.అయితే ఆ స్కూటీ తాను గెలిస్తే అక్కడున్న కాలేజీ స్టూడెంట్స్ కి ఇచ్చేస్తానని సంయుక్త చెప్పింది. ఈ షోలో ఆమె విన్నర్ అవ్వడంతో అక్కడున్న విద్యార్థుల్లో ఇద్దరినీ ఎంపిక చేసి ఒకరికి బహుమతిగా స్కూటీని ఇచ్చింది. మరొకరికి తానే స్వయంగా స్కూటీ కొనిస్తానని మాట ఇచ్చింది. దీంతో తన మంచి మనసుకి సంయుక్త పై ప్రశంసల వర్షం కురుస్తోంది.
గత వారంలో విడుదలైన విరూపాక్ష కలెక్షన్ల పరంపర కొనసాగుతోంది. ఇందులో సంయుక్త.. నందిని అనే ప్రతినాయక ఛాయలున్న యువతి పాత్రలో కనిపించింది. తన నటనతో మెప్పించి మంచి మార్కులు కొట్టేసింది.