రెండు నెలలు తిరగకుండానే ముఖ్యమంత్రి వైఎస్ జగన్ మోహన్ రెడ్డి, తన మంత్రి వర్గంలోని కొందరిపై అసంతృప్తి వ్యక్తం చేస్తున్నారట. తన స్పీడ్కి తగ్గట్టుగా నడచుకోవడంలో సదరు మంత్రులు ఆశించిన మేర శ్రద్ధ పెట్టడంలేదని వైఎస్ జగన్ గుస్సా అవుతున్నారంటూ గత కొద్ది రోజులుగా గుసగుసలు విన్పిస్తున్న విషయం విదితమే. మొత్తం 25 మంది మంత్రులకు ఒకేసారి క్యాబినెట్లో అవకాశం కల్పించడం ద్వారా, జనం దృష్టిలో మంచి మార్కులు కొట్టేసినా.. ఆయా మంత్రుల పనితీరు విషయంలో మాత్రం తమ ప్రభుత్వం విమర్శలు ఎదుర్కోవాల్సి రావడాన్ని ముఖ్యమంత్రి వైఎస్ జగన్ అస్సలేమాత్రం జీర్ణించుకోలేకపోతున్నారు.
కొత్త ప్రభుత్వం గనుక, ఏ మంత్రి పని తీరు అయినా రెండు మూడు నెలలు ఆగితేనే తెలుస్తుంది. కానీ, వ్యక్తిగత సహాయ సిబ్బందిని నియమించుకోవడం సహా అనేక విషయాల్లో కొందరు మంత్రులు పార్టీ ఆలోచనలకు భిన్నంగా వ్యవహరిస్తున్న విషయం వైఎస్ జగన్ దృష్టికి వచ్చిందట. దాంతో, ఆల్రెడీ ఒకటి రెండు హెచ్చరికలు కూడా చేసిన వైఎస్ జగన్.. సదరు మంత్రుల్లో మార్పు రాకపోవడంతో, కఠినమైన నిర్ణయం తీసుకోవాలనే నిర్ణయానికి వచ్చేశారట. ఇదిలా వుంటే, నగిరి ఎమ్మెల్యే రోజాకి త్వరలో తీపి కబురు అందబోతోందంటూ వైసీపీ వర్గాల్లో గుసగుసలు విన్పిస్తున్నాయి.
ఆల్రెడీ ఆమె ఏపీఐఐసీ ఛైర్ పర్సన్గా అవకాశం దక్కించుకున్న విషయం విదితమే. అయితే, మంత్రి వర్గంలో చోటు దక్కకపోవంతో తొలుత అలకపాన్పు ఎక్కిన రోజా, ఆ తర్వాత జగన్ బుజ్జగింపులతో దిగొచ్చి, ఏపీఐఐసీ ఛైర్ పర్సన్ పదవితో సరిపెట్టుకున్నారు. రోజాకి హోంమంత్రి పదవి అయితే బావుండేదని ఆమెను అభిమానిస్తోన్నవారే కాదు, వైసీపీలో మెజార్టీ నేతలూ ఆఫ్ ది రికార్డ్గా అభిప్రాయపడ్తున్నారు. కానీ, వైఎస్ జగన్, ఆ పదవిని రోజాకి ఇచ్చే అవకాశమే లేదట. ప్రస్తుతం ఆ పదవిలో వైఎస్ జగన్కి అత్యంత నమ్మకస్తురాలైన మేకతోటి సుచరిత వున్నారు.
మరోపక్క, రోజాతోపాటు మరో ఆరుగురికి మంత్రి పదవులు ఇచ్చే అవకాశముందనీ, అందులో పలువురు సీనియర్లు వుంటారనీ, నెల్లూరు జిల్లాకి చెందిన సీనియర్ నేత ఒకరు ఈ పదవి కోసం పోటీ పడ్తున్నారనీ తెలుస్తోంది. అయితే, కొత్త మంత్రులకు అవకాశం కల్పిస్తే ఆల్రెడీ వున్న మంత్రులపై వేటు తప్పదు. ఆ వేటు పడేదెవరికి? వైఎస్ జగన్ ఎవరి మీద అసంతృప్తితో వున్నారు.? ఇదంతా ఉత్త ప్రచారమేనా.? నిప్పు లేకుండా పొగ వచ్చేస్తోందా.? వేచి చూడాల్సిందే.
662529 64870Awesome blog, Im going to spend far more time researching this subject 429099
992528 960140I wanted to say Appreciate providing these details, youre performing a terrific job with the website… 905203
753786 272543Really well written story. It is going to be valuable to anyone who usess it, including yours truly . Keep up the great function – canr wait to read more posts. 160338
906167 955837quite nice post, i actually really like this web site, maintain on it 886524