పిట్ట పోరు.. పిట్ట పోరు.. పిల్లి తీర్చిందన్నట్లు తయారైంది వ్యవహారం. రెండు రాష్ట్రాల ముఖ్యమంత్రులు ఓ రెండు నిమిషాలు అలా సరదాగా కూర్చుని ఓ అవగాహనకి వచ్చి వుంటే, తెలుగు రాష్ట్రాల మధ్య నీటి సమస్యకు పరిష్కారం లభించేదే.
కర్నాటకతో తెలంగాణ ప్రభుత్వం మంతనాలు జరిపింది.. మహారాష్ట్రతోనూ మంతనాలు జరిపింది.. ఆయా రాష్ట్రాలతో నీటి వివాదాల్లేకుండా చేసుకుంది. మరి, ఆంధ్రపదేశ్తో మాత్రం తెలంగాణ ప్రభుత్వమెందుకు పంచాయితీని సరిచేసుకోలేకపోయింది.? ఆంధ్రపదేశ్ ఎందుకు తెలంగాణతో జల వివాదాన్ని పరిష్కరించుకోలేకపోయింది.? ఎందుకంటే, రెండు రాష్ట్రాల్లోని అధికార పార్టీలకు సెంటిమెంటు రాజకీయాలు అవసరం. సమస్య పరిష్కారమైపోతే ప్రజలు సుఖపడిపోతారు కదా.? అలా ప్రజలు సుఖపడిపోతే, వీళ్ళిక రాజకీయం చేయడానికేమీ వుండదు. ఈ ముక్క ప్రజలకు అర్థం కాకుండా చేయడమే ప్రధాన రాజకీయ పార్టీ లక్ష్యం.
ఇప్పుడేమయ్యింది.? తెలుగు రాష్ట్రాల్లోని నీటి పంచాయితీ.. కేంద్రం చేతుల్లోకి వెళ్ళిపోయింది. రివర్ బోర్డుల మేనేజ్మెంట్ నోటిఫై అయ్యింది. ఇక, ఇప్పుడు ఏ వివాదమైనా ఆ బోర్డులోనే పరిష్కరించుకోవాలి. ఆ బోర్డులు ఎలా చెబితే అలా రెండు తెలుగు రాష్ట్రాలూ నడచుకోవాల్సిందే. చరిత్రలోకి తొంగి చూస్తే, తెలుగు రాష్ట్రాలకు ఎప్పుడూ సమ అన్యాయమే కేంద్రం నుంచి జరుగుతూ వస్తోంది తప్ప, సమన్యాయం జరిగిన దాఖలాల్లేవ్.
ఉమ్మడి తెలుగు రాష్ట్రం విభజనే ఇందుకు నిదర్శనం. ఏడేళ్ళ క్రితం ఉమ్మడి తెలుగు రాష్ట్రం రెండుగా విడిపోతే.. ఇప్పటికీ తెలుగు రాష్ట్రాల మధ్య విభజన సమస్యలు చాలావరకు అలాగే వున్నాయ్. పరిష్కరించాల్సిన కేంద్రం, చోద్యం చూస్తూ వచ్చింది. జల వివాదం – బోర్డుల వ్యవహారం విషయానికొస్తే, కేంద్రం చాలా తెలివిగా వ్యవహరించింది. మొత్తం అధికారాల్ని బోర్డుకే కట్టబెడుతున్నట్లు గెజిట్ జారీ అయ్యింది. అంటే, కేంద్రాన్ని నిలదీయడానికీ వీల్లేదన్నమాట.
బోర్డు మీద తెరవెనుకాల పెత్తనమంతా కేంద్రానిదే. జీఎస్టీ విషయంలో ఎలాగైతే, ‘మాకేం సంబంధం లేదు.. జీఎస్టీ మండలిలో అందరూ కలిసి నిర్ణయం తీసుకోవాలి..’ అని కేంద్రం చేతులెత్తేస్తోందో.. రేప్పొద్దున్న నీటి బోర్డుల విషయంలోనూ అంతే.
755936 938159I just could not go away your site before suggesting that I really enjoyed the usual info a person supply to your guests? Is going to be back ceaselessly as a way to inspect new posts. 988617
330818 77837Thanks for the excellent post against your weblog, it genuinely provides me with a look about this topic.??;~.?? 189317