సంచలనాలు లేకుంటే మన టాలెంటెడ్ డైరెక్టర్ వర్మకు నిద్ర పట్టదనుకుంటా? అందుకే తన ప్రతి సినిమాతో సంచలనం రేపేందుకు రెడీ అవుతుంటాడు. ఇప్పటికే లక్ష్మిస్ ఎన్టీఆర్ తో పెద్ద దుమారం రేపిన వర్మ, తాజగా కేసీఆర్ బయోపిక్ ని తెరకెక్కించే పనిలో ఉన్నాడు. టైగర్ కేసీఆర్ పేరుతో తెరకెక్కనున్న ఈ సినిమాకు సంబందించిన ఓ సాంగ్ ని సోషల్ మీడియాలో పోస్ట్ చేసాడు వర్మ ! మా భాషమీద నవ్వినవ్ .. మా బాడీలమీద ఊసినవ్ ఆంధ్రోడా .. వస్తున్నా.. వస్తున్నా .. మీ తాటతీయడానికి వస్తున్నా .. అంటూ ఈ సినిమాకోసం ఓ సాంగ్ ని పాడాడు వర్మ. కేసీఆర్ బయోపిక్ సినిమా కోసం ఆయన ఎంచుకున్న పాట ఇది.
తాజాగా ఈ సాంగ్ ని వర్మ పాడుతుండగా వీడియో తీసి యూ ట్యూబ్ లో విడుదల చేసాడు. టైగర్ కేసీఆర్ కమింగ్ సూన్ అంటూ డైలాగ్ కూడా చెప్పాడు. ప్రస్తుతం ఈ వీడియో పెద్ద దుమారమే రేపుతోంది. ఈ వీడియో చూసినవారంతా ఆంధ్రోళ్ళను అవమానించేలా ఉందని, ఈ పాటను అంగీకరించేది లేదని కూడా కామెంట్స్ పడుతున్నాయి. ఈ సాంగ్ ని ఇంత హార్డ్ గా ఎందుకు రాసావు వర్మ అంటూ కొందరు ఫైర్ అవుతున్నారు. మొత్తానికి కేసీఆర్ సినిమా ఎలా ఉండబోతుందో ఈ సాంగ్ తో చెప్పే ప్రయత్నం చేస్తున్నాడు వర్మ.
మరి ఈ కామెంట్స్ పై వర్మ ఎలా స్పందిస్తాడో కానీ, ఇది యూ ట్యూబ్ లో పెద్ద రచ్చగా మారి ఆంధ్రోళ్ల కిరికిరికి దారితీసేలా ఉంది. తెలంగాణ ఉద్యమ నేపధ్యమే ప్రధాన కథగా తీసుకుని ఈ సినిమా చేస్తున్నాడట వర్మ. ఆంధ్రప్రదేశ్ లో ఉన్న తెలంగాణ ను ప్రత్యేక రాష్ట్రంగా ప్రకటించే క్రమంలో దాదాపు 60 ఏళ్ల పాటు ఎందరో పోరాటం చేసారని, కానీ వారెవరు సాధించనిది కేసీఆర్ సాదించిం చూపించారనే కథతో చెబుతున్నారట. ఈ సినిమా ఎక్కువగా ఆంద్రోల్లనే ఫోకస్ చేసే ఛాన్సెస్ ఉన్నాయంటూ గుసగుసలు వినిపిస్తున్నాయి. మరికొందరేమో వర్మ నువ్వు ఆంధ్రుడివి కావా అంటూ ప్రశ్నలు సంధిస్తున్నారు. మొత్తానికి ఓ చిన్న సాంగ్ తోనే దుమారం రేపిన వర్మ మరి ఆంధ్రుల ప్రశ్నలకు ఎలాంటి సమాధానం ఇస్తాడో చూడాలి.