RGV: నిజం చెబుతానంటూ, అబద్ధాలు వల్లెవేస్తాడేంటి.? నిజాన్ని అబద్ధంగా చూపించడంలో, అబద్ధాన్ని నిజంగా ఏమార్చడంలో రామ్ గోపాల్ వర్మ తర్వాతే ఎవరైనా. ‘రక్తచరిత్ర’ సినిమా విషయంలో ఏం జరిగిందో చూశాం. ‘వంగవీటి’ సినిమా విషయంలో ఏం జరిగిందో చూశాం.!
వర్మ తాను నమ్మిందే నిజమని చెబుతాడు. అలా వర్మ ‘నిజం’ అని నమ్మాలంటే, దానికి అట్నుంచి తగినంత ‘పేమెంట్’ దక్కాలి. గత కొంతకాలంగా పేటీఎం కూలీలకు మించి కష్టపడుతున్నాడు రామ్ గోపాల్ వర్మ. ఈ క్రమంలోనే ‘లక్ష్మీస్ ఎన్టీయార్’ సినిమా తీశాడు. ఇంకో సినిమా పవన్ కళ్యాణ్ మీదా చేశాడు.!
ఇదిగో, ఇప్పుడు ‘నిజం’ అంటూ యూ ట్యూబ్ ఛానల్కి ఎక్కేశాడు.! జనసేన మాజీ నేత రాజు రవితేజని తాజాగా వర్మ ఇంటర్వ్యూ చేశాడు ‘నిజం’ కోసం. అసలంటూ రాజు రవితేజని మాట్లాడనిస్తే కదా.? ఆద్యంతం వర్మ ‘అతి’ సరిపోయింది. రాజు రవితేజ అంటే, ఒకప్పుడు పవన్ కళ్యాణ్కి అత్యంత సన్నిహితుడు. కాదు కాదు, అలా నటించాడంతే.!
ఓ పరకాల ప్రభాకర్.. ఓ రాజు రవితేజ.. చెప్పుకుంటూ పోతే, రాజకీయాల్లో ఇలాంటి కుహనా మేదావులు చాలామందే వుంటారు. అలాంటోళ్ళని ఇంటర్వ్యూ చేసి, ‘నిజం’ చెప్తానని వర్మ అంటే అంతకన్నా హాస్యాస్పదం ఇంకేముంటుంది. వైసీపీ పే రోల్.. పే చెక్ ప్రకారం ఆర్జీవీ తన ‘వోడ్కా’ పాట్లేవో పడుతున్నాడన్నది బహిరంగ రహస్యం.
మరీ వోడ్కా కొనుక్కోవడానికీ వర్మ దగ్గర డబ్బుల్లేవా.? అంటే, ఏమో.. అంతేనేమో.. అనుకోవాల్సి వస్తోంది, ఈ ‘నిజం’ చూస్తోంటే. 2024 ఎన్నికల ముందర ఇలాంటివి చాలానే చూడబోతున్నాం.! శ్రీరెడ్డితో పవన్ కళ్యాణ్ తల్లిని బూతులు తిట్టించిన ఘనుడు రామ్ గోపాల్ వర్మ. అంతలా దిగజారిన రామ్ గోపాల్ వర్మ నుంచి ‘నిజాల్ని’ ఎలా ఆశించగలం.?