RC16 : రామ్ చరణ్ ప్రస్తుతం శంకర్ దర్శకత్వంలో గేమ్ చేంజర్ సినిమాలో నటిస్తున్న విషయం తెల్సిందే. అందుకోసం ఇటీవలే వైజాగ్ చేరుకున్న రామ్ చరణ్ అక్కడ వారం రోజుల పాటు షూటింగ్ లో పాల్గొనబోతున్నట్లు సమాచారం అందుతోంది. చరణ్ తదుపరి సినిమా పై ఆసక్తికర వార్తలు మీడియా సర్కిల్స్ లో జరుగుతున్నాయి.
రామ్ చరణ్, బుచ్చిబాబు కాంబో మూవీ కన్ఫర్మ్ అయ్యి చాలా నెలలు అవుతోంది. ఇప్పటి వరకు సినిమాకు సంబంధించిన షూటింగ్ కార్యక్రమాలు షురూ అవ్వలేదు. దాంతో అసలు ఏం జరుగుతుందో అర్థం కాక ఫ్యాన్స్ జుట్టు పీక్కుంటున్నారు. గేమ్ చేంజర్ పూర్తి అయ్యే వరకు బుచ్చిబాబు సినిమా మొదలు అవ్వదని కొందరు అనుకున్నారు.
తాజా సమాచారం ప్రకారం గేమ్ చేంజర్ సినిమాతో పాటు బుచ్చిబాబు సినిమాను కూడా చరణ్ చేయబోతున్నాడు. అధికారికంగా మార్చి 20 నుంచి ఈ సినిమాను ప్రారంభించేందుకు ఏర్పాట్లు జరుగుతున్నాయి. ఇప్పటికే రామ్ చరణ్ మరియు బుచ్చిబాబు కాంబో సినిమా ప్రీ ప్రొడక్షన్ వర్క్ పూర్తి అయ్యాయి.
జాన్వీ కపూర్ హీరోయిన్ గా నటించబోతున్న ఈ సినిమాలో ప్రముఖ నటీ నటులు కనిపించబోతున్నారు. పాన్ ఇండియా రేంజ్ లో ఈ సినిమాను వచ్చే ఏడాది సమ్మర్ లో విడుదల చేసే విధంగా ప్లాన్ చేస్తున్నారు.