Ram Charan-Allu Arjun: గ్లోబల్ స్టార్ రామ్ చరణ్ (Ram Charan), ఐకాన్ స్టార్ అల్లు అర్జున్ (-Allu Arju) తమ సినిమాలు గేమ్ చేంజర్ (Game Changer), పుష్ప2 (Pushpa 2)తో బిజీగా ఉన్నారు. రెండు సినిమాలు ఈ ఏడాదే ప్రేక్షకుల ముందుకు కూడా రానున్నాయి. దీంతో సినిమా షూటింగ్స్ శరవేగంగా జరుగుతున్నాయి. ప్రస్తుతం వీరిద్దరూ విశాఖలో సందడి చేయనున్నారు.
రామ్ చరణ్ ఈ వారంలో విశాఖపట్నం రానున్నారు. గతంలోనే గేజ్ చేంజర్ కు సంబంధించిన పాట విశాఖ కూడళ్లలో చిత్రీకరించారు. ఆ క్లిప్స్ సోషల్ మీడియాలో సైతం వైరల్ అయ్యాయి. మరోవైపు పుష్ప2 సినిమాలో యాక్షన్ పార్ట్ చిత్రీకరిస్తున్నారు. షూటింగ్ కోసం అల్లు అర్జున్ విశాఖపట్నం చేరుకున్నారు. ఇప్పడీ రెండు సినిమాలు విశాఖలో చిత్రీకరణ ఒకేసారి జరుపుకోవడం వారి అభిమానులను ఉక్కిరిబిక్కిరి చేస్తోంది.
శంకర్ దర్శకత్వంలో గేమ్ చేంజర్ తెరకెక్కుతోంది. మార్చి 27 రామ్ చరణ్ పుట్టినరోజు సందర్బంగా పాట, సినిమా రిలీజ్ డేట్ అనౌన్స్ అవుతుందని తెలుస్తోంది. అల్లు అర్జున్ నటిస్తున్న పుష్ప ఆగష్టు 15న ప్రపంచవ్యాప్తంగా విడుదల కానుంది.