రైల్వే ట్రాక్ పైకి పశువులు..! ప్రమాదాల నివారణకు రైల్వే శాఖ కీలక నిర్ణయం

ఇటివల పశువులను వందే భారత్ రైళ్లు ఢీకొన్న విషయం తెలిసిందే. దేశంలో ఈ ఘటనలు పెరిగిన నేపథ్యంలో రైల్వే శాఖ కీలక నిర్ణయం తీసుకుంది. పట్టాలపైకి పశువులు రాకుండా గోడలు కట్టాలని నిర్ణయించింది. ఈమేరకు రైల్వే శాఖ మంత్రి అశ్వినీ వైష్ణవ్ కీలక ప్రకటన చేశారు.

వచ్చే ఐదారు నెలల్లో అన్ని సెక్షన్లలోని వెయ్యి కిలోమీటర్ల పరిధిలో గోడలు నిర్మిస్తాం. ఇవి ఎంత సత్ఫలితాలనిస్తాయో తెలీదు.. కనీసం మనుషుల ప్రమాదాల వరకైనా అడ్డుకుంటుందని భావిస్తున్నాం. ఇప్పటికే గోడ నిర్మాణానికి సంబంధించి ఒక డిజైన్ ను ఖరారు చేశాం’ అని అన్నారు.

అక్టోబర్ 1న ముంబయ్-అహ్మదాబాద్ మధ్య ప్రయాణిస్తున్న వందే భారత్ రైలు పశువులను ఢీకొట్టడంతోపాటు మరో రెండు ఘటనలు జరిగాయి. అక్టోబర్ నెల మొదటి 9రోజుల్లో 200 వరకూ ఘటనలు జరగ్గా.. దేశవ్యాప్తంగా ఏడాదిలో 4వేలకు పైగా జరిగాయని రైల్వే శాఖ వెల్లడించింది. ఈనేపథ్యంలో ప్రమాదాలను నివారించే ఉద్దేశంలో గోడలు కట్టాలని నిర్ణయించినట్టు రైల్వే శాఖ నిర్ణయించింది.