Prabhas : ప్రభాస్ హీరోగా నాగ్ అశ్విన్ దర్శకత్వంలో రూపొందుతున్న కల్కి 2898 ఏడి సినిమా మే 9న విడుదల చేయాలని యూనిట్ సభ్యులు తీవ్రంగా ప్రయత్నాలు చేస్తున్నారు. కానీ వారు అనుకున్న సమయంకు సినిమాను విడుదల చేయడం సాధ్యం కాకపోవచ్చు అనే కొత్త పుకార్లు షికార్లు చేస్తున్నాయి.
కల్కి సినిమా షూటింగ్ ను ఇటీవలే పూర్తి చేశారు. గ్రాఫిక్స్ వర్క్ గత ఏడాది కాలంగా చేస్తూనే ఉన్నారు. సినిమాలో వీఎఫ్ఎక్స్ అత్యంత కీలకం అవ్వడం వల్ల భారీగా ఖర్చు చేసి ఇంటర్నేషనల్ స్థాయి కంపెనీలతో ఆ వర్క్ చేయిస్తున్న విషయం తెల్సిందే.
ఇప్పుడు కల్కి సినిమా వీఎఫ్ఎక్స్ మరింత ఆలస్యం అయ్యే అవకాశాలు ఉన్నాయని, జూన్ లేదా జులై వరకు వీఎఫ్ఎక్స్ వర్క్ కి టైమ్ కావాలని వారు అడుగుతున్నారని పుకార్లు షికార్లు చేస్తున్నాయి. ఈ విషయమై చిత్ర యూనిట్ సభ్యులు ఎలా రియాక్ట్ అవుతారు, క్వాలిటీ కోసం సినిమా వాయిదా వేస్తారా అనేది చూడాలి.