హీరో-దర్శకుడు తొలిసారి ఓ సినిమాకు పని చేస్తే ఒక్కోసారి పెద్దగా అంచనాలు ఉండవు. కానీ.. ఆ సినిమా హిట్టైతే వారిద్దరిపై అంచనాలు పెరిగిపోతాయి. టాలీవుడ్ లో పూరి జగన్నాధ్-మహేశ్ చేసిన తొలి సినిమా ఇండస్ట్రీ రికార్డులను తిరగరాసింది. ఆ సినిమానే ‘పోకిరి’. కధను స్పష్టంగా, అర్ధమయ్యేలా చెప్పడంలో పూరి సిద్ధహస్తుడు. అలా పూరి పేల్చిన డైనమైట్ ‘పోకిరి’. మహేశ్ హీరోగా చేసిన ఈ సినిమా ఎంత స్టైలిష్ గా వచ్చిందో అంతే బ్లాక్ బస్టర్ హిట్ అయింది. ఓపెనింగ్ షో నుంచే సూపర్ హిట్ టాక్ రావడంతో సినిమా సక్సెస్ ఆకాశాన్నంటింది. మహేశ్ కెరీర్ ‘పోకిరి’కి ముందు.. ఆ తర్వాతగా మార్చుసిందీ సినిమా. 2006 ఏప్రిల్ 28న విడుదలైన ఈ సినిమా నేటితో 15 ఏళ్లు పూర్తి చేసుకుంది.
‘ఎవడు కొడితే దిమ్మ తిరిగి మైండ్ బ్లాక్ అయిపోద్దో ఆడే పండుగాడు’.. అనే డైలాగ్ రాష్ట్రంలో హోరెత్తింది. గన్ కల్చర్ తో సినిమాను పూరి తెరకెక్కించిన విధానం అప్పటివరకూ టాలీవుడ్ చూడనిది. సినిమాలో మహేశ్ అందం, స్టయిల్, హెయిర్ స్టయిల్, యాక్షన్.. కూడా టాలీవుడ్ అప్పటికి చూడనిది. కథ పాతదే అయినా.. పూరి స్క్రీన్ ప్లే సినిమాను ఎక్కడో కూర్చోబెట్టింది. ప్రీ క్లైమాక్స్ లో రివీల్ చేసిన సస్పెన్స్ ప్రేక్షకుల్ని ఒక్కసారిగా విస్మయానికి గురి చేస్తుంది. అక్కడే పూరి టేకింగ్, మహేశ్ యాక్షన్ సినిమాను ఇండస్ట్రీ హిట్ ను చేసేశాయి. టాలీవుడ్ కు సరికొత్త టేకింగ్ ను రుచి చూపించాడు పూరి. మహేశ్ లోని మాస్ యాంగిల్ ను పర్ఫెక్ట్ గా ప్రెజెంట్ చేశాడు.
గన్ స్టయిల్ గా తిప్పుతూ.. ‘సినిమాలు చూడట్లేదేంటి..’ అని మహేశ్ చెప్పిన డైలాగులకు ప్రేక్షకులు ఫిదా అయిపోయారు. ఇలియానా అందం, బ్రహ్మానందం-ఆలీ-వేనుమాధవ్ కామెడీ ట్రాక్, మణిశర్మ సంగీతం.. ఇలా అన్ని ఫ్లేవర్లు కలసి ‘పోకిరి’ని టాలీవుడ్ మెమరబుల్ హిట్ గా మార్చేసి.. సరికొత్త రికార్డులతో కొత్త సినిమాలకు టార్గెట్ ను ఫిక్స్ చేసింది. ‘ఏ ముహూర్తాన సినిమా కథ రాశానో.. అన్ని భాషల్లో కలిపి 200 కోట్లు బిజినెస్ చేసిందీ సినిమా’ అని పూరి ఓ సందర్భంలో అన్నాడు. 200 సెంటర్లలో 100, 63 సెంటర్లలో 175, షిఫ్టులతో 200 రన్ అయింది. కర్నూలులో షిఫ్టులతో 500 రోజులు రన్ అయి.. పూరి-మహేశ్ కెరీర్లో మెమరబుల్ హిట్ గా నిలిచింది.
707361 538698Some genuinely wonderful information , Gladiola I detected this. 334922