జనసేనాని పవన్కళ్యాణ్ వచ్చేశాడు. జనంలోకి వెళ్ళడమే తరువాయి. ప్రస్తుతం పార్టీకి సంబంధించిన ముఖ్య నేతలతో జిల్లాల వారీగా సమీక్షలు చేస్తున్నారు జనసేనాని. అయితే, నిన్న మొన్నటిదాకా విన్పించిన ఊహాగానాల సారాంశం వేరు. ఇప్పుడు జరుగుతున్నది వేరు. అవును, పవన్ కళ్యాణ్ ఎవరి అంచనాలకూ అందడు. ‘మేం అధికారంలోకి వచ్చేస్తాం..’ అని పవన్కళ్యాణ్ ఎప్పుడూ చెప్పలేదు, అధికారంలోకి వస్తే ఏం చేయాలనుకుంటున్నదీ చెప్పారంతే. రాజకీయాల్లో ఈక్వేషన్స్ ఎప్పుడెలా మారతాయో ఎవరికీ తెలియదు. ఆ విషయం పవన్కళ్యాణ్కి బాగా తెలుసు. ప్రజారాజ్యం పార్టీ నుంచి చాలా పాఠాలు నేర్చుకున్న పవన్, జనసేన పార్టీ విషయంలో ఆచి తూచి అడుగేశారు.
జనసేన పార్టీ ఏర్పాటు, తదనంతర పరిణామాలు అందరికీ తెల్సినవే. కొన్ని ఈక్వేషన్స్ సెట్ అవలేదంతే. అలాగని, లక్ష్యాన్ని వదిలేసి పారిపోయేటంతటి పిరికి వ్యక్తి కాదు జనసేనాని. సినీ రంగంలో అఖండ విజయాలే కాదు, దారుణ పరాజయాల్నీ చవిచూశారు పవన్. పరాజయాలకు కుంగిపోలేదు, విజయాలకి పొంగిపోలేదు. రాజకీయాల్లోనూ పవన్కళ్యాణ్ తన సహజ వ్యక్తిత్వానికి భిన్నగా వ్యవహరించలేదు, వ్యవహరించరు కూడా. 2014 ఎన్నికల్లో జనసేన పోటీ చేయలేదు. 2019 ఎన్నికల్లో పోటీ చేసి, సుమారు ఆరు శాతం వరకు ఓటు బ్యాంకుని సాధించింది ఆంధ్రప్రదేశ్లో. ఈ 6 శాతాన్ని 16 శాతం చేయడమెలా.? 26 శాతమో, 36 శాతమో.. కలిసొస్తే 46 శాతమో చెయ్యాలంటే, దానికోసం ఎలాంటి కార్యక్రమాలు చేపట్టాలి.? అన్న దిశగా జనసేనాని ఆలోచనలు సాగుతున్నాయిప్పుడు.
గ్రామ స్థాయిలో కార్యకర్తల్ని ఉత్సాహపరచడం, స్థానిక సమస్యలపై ఉద్యమాలు చేయడం, ప్రజల్లో స్వచ్ఛమైన రాజకీయాల పట్ల మరింత అవగాహన పెంచడం.. ఇవీ జనసేన తదుపరి రాజకీయ కార్యాచరణలో ముఖ్యమైన అంశాలుగా కన్పిస్తున్నాయి. ‘మొదటి అడుగు పడింది కదా.. ఇకపై వెనుకడుగు వేసే ప్రసక్తే లేదు..’ అని పవన్కళ్యాణ్ ధీమాగా చెప్పారంటే, ‘ఓటు వేసిన లక్షలాది మందికి కృతజ్ఞతలు’ అని ఆయన అన్నారంటే.. ఆ మాటలు చాలు, జనసైన్యంలో కొండంత బలాన్ని నింపడానికి. ‘ఇక్కడితో జనసేన పనైపోయిందనుకున్నాం.. ఇదేం ఆటిట్యూడ్.? రేప్పొద్దున్న జనసేన మనకు ప్రత్యర్థిగా మారితే.?’ అన్న చర్చ ఇప్పుడు ఆంధ్రప్రదేశ్ రాజకీయాల్లో జోరుగా సాగుతోంది.
జనసేనని పోటీదారుగా ఇప్పటివరకూ ఏ రాజకీయ పార్టీ కూడా చూడలేదు. ఇకపైనా చూడకపోవచ్చుగాక. కానీ, జనసేన లక్ష్యం వేరే. స్వచ్ఛ రాజకీయాలే జనసేన లక్ష్యం. పవన్ కళ్యాణ్ ఈజ్ బ్యాక్.. ఇది ఖచ్చితంగా ఇతర రాజకీయ పార్టీలకు పెద్ద క్వశ్చన్ మార్క్. రాజకీయ సభలకు జనాన్ని రప్పించడంలో ఇప్పటిదాకా సక్సెస్ అయిన జనసేన, ఇకపై వచ్చిన జనాన్ని ఓటు బ్యాంకుగా మార్చుకోవడంలో సక్సెస్ అవడంపై దృష్టిపెట్టింది. అందుకు తగ్గ రాజకీయ కార్యాచరణను కూడా సిద్ధం చేసుకుంది. సో, ఆంధ్రప్రదేశ్లో కొత్త రాజకీయం మొదలైనట్లే.!
127110 720215I just put the link of your blog on my Facebook Wall. very good blog indeed.,-, 577739
73246 941280You produced some decent factors there. I looked on the internet for the problem and identified most individuals will go along with along with your website. 942151
704668 529210Wow, incredible weblog structure! How lengthy have you ever been blogging for? you produced running a blog appear easy. The full appear of your internet site is wonderful, well the content! 28315