పవన్ కళ్యాణ్.. ఆ పేరులోనే ఏదో ‘పవర్’ వుంది. ఓ సినీ నటుడి మీద అభిమానాన్ని నెక్స్ట్ లెవల్కి తీసుకెళ్ళి, దాన్ని ఓ ‘ఇజం’గా భావించడమంటే ఆషామాషీ వ్యవహారం కాదు. ‘ఎవరీ అబ్బాయి..’ అంటూ 23 ఏళ్ళ క్రితం ఓ వాల్ పోస్టర్ కన్పిస్తే.. ఎవరబ్బా.? అని అంతా ఆశ్చర్యపోయారు. ‘ఈ అబ్బాయే మన కళ్యాణ్..’ అంటూ ఆ తర్వాత అసలు విషయాన్ని రివీల్ చేశారు. ఆ అబ్బాయే, బాక్సాఫీస్ ‘పవర్’గా మారతాడని అప్పట్లో ఎవరూ ఊహించలేదు.
వెండి తెరపై మెరుపులా కదులుతూ యాక్షన్ ఎపిసోడ్స్లో సత్తా చాటినా, తన కళ్ళతోనే ప్రత్యర్థుల్లో భయాన్ని చూపించగలిగినా.. అదంతా పవన్ కళ్యాణ్కే చెల్లింది. పవన్ కళ్యాణ్ గొప్ప డాన్సరేమీ కాదు.. వరుసగా సినిమాలూ చేసెయ్యలేదు.. తన సినిమాల్ని ఎక్కువగా పబ్లిసిటీ కూడా చేసుకోలేదు. సినిమా చేయడం మాత్రమే ఆయనకు తెలుసు.. దాన్ని ప్రమోట్ చేసుకోవాలన్న కనీస ఆలోచన పవన్ కళ్యాణ్కి వుండేది కాదు. అన్నయ్య చాటు తమ్ముడిగా సినీ రంగంలోకి వచ్చిన పవన్ కళ్యాణ్.. అన్నయ్యను మించిన ‘బాక్సాఫీస్ శక్తి’గా ఎదిగాడు.
పవన్కళ్యాణ్ కెరీర్లో హిట్టు సినిమాలెన్ని.? ఫ్లాపు సినిమాలెన్ని.? అన్న లెక్కలు తీస్తే చాలా ఆశ్చర్యమేస్తుంది. ఓ మోస్తరు సినిమాల్ని కూడా పవన్ అభిమానులు ఫ్లాప్ సినిమాలనే అంటారు. వారి దృష్టిలో ‘జల్సా’ సినిమా కూడా హిట్టు కాదు. ‘పవన్ కళ్యాణ్ పవర్కి తగ్గ సినిమా కాదు..’ అన్నది వారి వాదన. ఫ్లాప్ సినిమా చేసినా, హిట్టు సినిమా తరహా వసూళ్ళను సాధించడం పవన్ కళ్యాణ్కి సర్వసాధారణమైన విషయమే.
తెలుగు సినీ పరిశ్రమలో అత్యధిక రెమ్యునరేషన్ తీసుకునే స్థాయికి చేరుకున్న పవన్, అనూహ్యంగా రాజకీయాల్లోకి అడుగు పెట్టి, సినిమాలకు దాదాపుగా గుడ్ బై చెప్పేశారిప్పుడు. రాజకీయాల్లో నిజానికి పవన్ విజయాలు సాధించిందేమీ లేదు. అయినాగానీ, పవన్ కళ్యాణ్కున్న ‘పవర్’ తగ్గలేదు సరికదా.. పదింతలయ్యింది. పవన్ కళ్యాణ్ అనారోగ్యంతో బాధపడుతున్నాడట.. వెన్నునొప్పి కారణంగా మంచానికే పరిమితమవ్వాల్సిందేనట.. అంటూ ఎవరెన్ని దుష్ప్రచారాలు చేస్తున్నా.. హీ ఈజ్ రాకింగ్ పవర్ స్టార్.. అంతే.
అందుకే, పవన్ కళ్యాణ్ మీద అభిమానానికి ‘పవనిజం’ అని పేరు పెట్టుకున్నారు అభిమానులు. ‘ఒక్కసారి అభిమానించడం మొదలు పెట్టాక.. ప్రాణం పోయేదాకా ఆ అభిమానం తగ్గదు..’ అని చెప్పడం పవన్ కళ్యాణ్ అభిమానులకి మాత్రమే చెల్లిందేమో. అభిమానులతో పబ్లిసిటీ స్టంట్లు చేయించుకోవడం పవన్ కళ్యాణ్కి తెలియదు.. బహుశా అదే, పవన్ కళ్యాణ్ని ప్రత్యేకమైన వ్యక్తిగా మార్చిందేమో.!
287721 503250There is an ending. Just remember that I meant for this to be an art game. I do feel like I spent an inordinate amount of time on the far more traditional gameplay elements, which might make the meaning with the game a bit unclear. If you mess around with it though, youll locate it. 722636
33874 687582i always enjoy to do weblog hopping and i stumbled upon your blog .”~; 851256
147309 544956Hey there. I want to to inquire somethingis this a wordpress weblog as we are thinking about shifting over to WP. Also did you make this theme on your own? Thanks. 900104
894976 787016Woh I like your posts , saved to fav! . 181716