తెలుగు సినీ పరిశ్రమలో ఈక్వేషన్స్ ఎప్పటికప్పుడు మారిపోతుంటాయి. ఓ డైరెక్టర్‌తో సినిమా అనుకున్నా, ఆ తర్వాత దాన్ని పక్కన పెట్టి మరో డైరెక్టర్‌తో సినిమాకి కమిట్‌ అవడం హీరోలకు కొత్తేమీ కాదు. డైరెక్టర్లు మారతారు, హీరోయిన్లు మారిపోతారు, హీరోలు మారిపోతారు, అంతెందుకు నిర్మాతలూ మారిపోయిన సందర్భాలున్నాయి. ‘గీత గోవిందం’ సినిమా తర్వాత డైరెక్టర్‌ పరశురామ్‌ తన తదుపరి సినిమా కోసం చాలా కాలం ఎదురుచూడాల్సి వస్తోంది. ఇప్పటికీ అతని తదుపరి సినిమా కన్‌ఫామ్‌ కాలేదు. ‘గీత గోవిందం’ లాంటి సంచలన విజయం సాధించాక ఏ దర్శకుడైనా ఇంత కాలం ఎదురుచూస్తాడా? కానీ, దురదృష్టవశాత్తూ అతనికి ఎదురుచూపులు తప్పలేదు.
ఓ దశలో అక్కినేని అఖిల్‌ హీరోగా పరశురామ్‌ ఓ సినిమా చేయబోతున్నాడనే వార్తలొచ్చాయి. ప్రస్తుతం మహేష్‌, పరశురామ్‌ కాంబినేషన్‌లో సినిమా కన్‌ఫామ్‌ అయ్యిందనే ప్రచారం జరుగుతోంది. కానీ, మహేష్‌ ఇప్పుడేమంత ఖాళీగా లేడు. అనిల్‌ రావిపూడితో సినిమా చేయాల్సి వుంది. దాంతో, పరశురామ్‌ – మహేష్‌తోనే సినిమా చేయాలంటే ఇంకా చాలా సమయం ఎదురుచూడాలి. తాజాగా మెగా క్యాంప్‌లో చక్కర్లు కొడ్తోన్న ఓ గాసిప్‌ ప్రకారం, పరశురామ్‌ – రామ్‌చరణ్‌తో సినిమా చేయాలనే ఆలోచనతో వున్నాడట.
పరశురామ్‌ ఇప్పటికే గీతా ఆర్ట్స్‌ బ్యానర్‌తో కనెక్ట్ అయి వున్నాడు. ఖచ్చితంగా అతని తదుపరి సినిమా ఆ బ్యానర్‌లోనే వుంది. గీతా బ్యానర్‌ అంటే రామ్‌చరణ్‌కి సొంత బ్యానర్‌ కిందే లెక్క. అయితే, చరణ్‌ కూడా ఖాళీగా లేడిప్పుడు. రాజమౌళి దర్శకత్వంలో ‘ఆర్‌ఆర్‌ఆర్‌’ సినిమా చేస్తున్న చరణ్‌, కొంచెం గ్యాప్‌ చూసుకుని పరశురామ్‌కి టైమ్‌ ఇచ్చే అవకాశాలున్నాయంటున్నారు. ఆ దిశగా రామ్‌చరణ్‌, రాజమౌళితో మంతనాలు జరుపుతున్నాడట. ఇటీవల చరణ్‌ కాలికి గాయం కావడంతో ‘ఆర్‌ఆర్‌ఆర్‌’ షూటింగ్‌ కాస్త వాయిదా పడింది. మళ్ళీ ఈ నెల 21 నుంచి హైద్రాబాద్‌లోనే షూటింగ్‌ జరగనుంది.
రాజమౌళి సాధారణంగా అయితే తన సినిమాలో నటించే హీరోలు ఇంకో సినిమా చేస్తానంటే ఒప్పుకోడు. మరి, చరణ్‌ ఎలా రాజమౌళిని ఒప్పిస్తాడన్నదే ప్రశ్న. ‘బాహుబలి’ కోసం ప్రభాస్‌ని చాలాకాలం ఇంకో సినిమా చేయకుండా ఆపేశాడు రాజమౌళి, ఆ సంగతి అందరికీ తెలుసు. కానీ, రామ్‌చరణ్‌ పరిస్థితి వేరు. ఇప్పుడు మారిన ఈక్వేషన్స్ వేరు. సో, చరణ్‌ – రాజమౌళిని ఒప్పిస్తే, పరశురామ్‌ సినిమాని కూడా సైమల్టేనియస్‌గా ఆర్‌ఆర్‌ఆర్‌తోపాటు నడిపించొయొచ్చు. ఈ గాసిప్‌లో నిజమెంతో తెలియాలంటే ఇంకొన్ని రోజులు ఆగాల్సిందే.
823399 289414hi, your website is amazing. I truly do numerous thanks for operate 494002
429693 853484As being a Newbie, Were permanently exploring online for articles which can be of help to me. Several thanks 28973