రాష్ట్రంలో దళితులపై పోలీసుల దాష్టీకం కొనసాగుతోంది. ఇటీవల తూర్పుగోదావరి జిల్లాలో ఓ దళిత యువకుడికి పోలీస్ స్టేషన్లో ఓ పోలీస్ అధికారి శిరోముండనం చేయించిన ఘటన పెను రాజకీయ దుమారానికి కారణమైన విషయం విదితమే. సాక్షాత్తూ ముఖ్యమంత్రి ఈ విషయంలో సీరియస్ యాక్షన్కి ఆదేశాలు జారీ చేయాల్సి వచ్చింది. మరో ఘటనలో ఓ దళిత యువకుడిపై ఓ పోలీస్ అధికారి దాడి కారణంగా, ఆ దళిత యువకుడు ప్రాణాలు కోల్పోయాడు.
తాజాగా, శ్రీకాకుళం జిల్లా పలాసలో ఓ దళిత యువకుడు, ఇళ్ళ పట్టాల విషయమై స్థానిక వైసీపీ నేతల్ని ప్రశ్నించినందుకుగాను వేధింపులకు గురయ్యాడు.. అతనిపై దాడి జరిగింది. తన బాధను పోలీసుల వద్ద మొరపెట్టుకునేందుకు వెళితే, పోలీస్ అధికారి.. ఆ యువకుడి ఆవేదనను పట్టించుకోలేదు సరికదా, అతనిపై దాడికి దిగిన విషయం ఇప్పుడు ఓ వీడియో రూపంలో వెలుగులోకి వచ్చింది. ఆ సమయంలో బాధితుడి తల్లి కూడా అక్కడే వున్నారు. తన కుమారుడిపై పోలీస్ దాడి చేస్తోన్న సమయంలో ఏమీ చేయలేక విలవిల్లాడింది ఆ మాతృమూర్తి.
తూర్పుగోదావరి జిల్లాలో చోటు చేసుకున్న శిరోముండనం ఘటనపై సాక్షాత్తూ ముఖ్యమంత్రి స్పందించారు. చీరాల ఘటనలోనూ బాధ్యులైన పోలీసులపై చర్యలకు ప్రభుత్వం ఆదేశాలు జారీ చేసింది. కానీ, ఇవే తరహా దాడులు మళ్ళీ మళ్ళీ ఎందుకు రిపీట్ అవుతున్నాయి.? పైగా, ఈ తరహా కేసుల్లో వైసీపీ నేతల చుట్టూనే వివాదాలు ముసురుకుంటున్నాయి.
హోంమంత్రి దళిత మహిళ అయి వుండీ, దళితులపై దాడుల్ని నివారించలేకపోవడం దారుణమంటూ విపక్షాలు విమర్శిస్తున్న విషయం విదితమే. పోలీసుల ప్రమేయం వున్న దాడులు సైతం దళితులపై పెరిగిపోతున్నాయంటే, ఈ దాడులకు హోంమంత్రి బాధ్యత వహించాలన్న డిమాండ్లు చాలా గట్టిగా తెరపైకొస్తున్నాయి. మరోపక్క, అధికార పార్టీకి చెందిన నేతలు వివిధ సందర్భాల్లో దళితులపై దాడులు చేస్తున్న వైనంపై పోలీసులు చూసీ చూడనట్టు వ్యవహరిస్తున్నారన్న విమర్శలూ లేకపోలేదు.
ఏదిఏమైనా, ఈ తరహా దాడులు సభ్య సమాజం సిగ్గుతో తలదించుకునేలా చేస్తాయి. ప్రభుత్వం తరఫున ‘మేం చర్యలు తీసుకుంటున్నాం..’ అనే బుకాయింపులు ఎన్నాళ్ళు.? ఈ ప్రభుత్వ హయాంలో దళితులకు అభయం దక్కదా.? అన్న ఆవేదన రాజకీయ విశ్లేషకుల నుంచి వ్యక్తమవుతోంది.
910936 61778I admire your piece of function, regards for all the intriguing posts . 349020
995400 320926I saw two other comparable posts although yours was the most beneficial so a whole lot 313079
597687 229608Wonderful weblog layout here. Was it hard creating a good looking internet site like this? 722100
408926 815586noutati interesante si utile postate pe blogul dumneavoastra. dar ca si o paranteza , ce parere aveti de inchiriere vile vacanta ?. 804806