‘మేం అధికారంలోకి వచ్చాక చాలా సమస్యల్ని పరిష్కరించాం.. జమ్మూకాశ్మీర్ సమస్యను పరిష్కరించాం.. అయోధ్య సమస్యకు పరిష్కారం చూపాం.. చాలా చాలా చేశాం.. చాలా చాలా చెయ్యబోతున్నాం.. అమరావతి సమస్యకి కూడా పరిష్కారం చూపగలం..’ అంటూ నిన్న ఓ ఛానల్ ఇంటర్వ్యూలో ఏపీ బీజేపీ చీఫ్ సోము వీర్రాజు వీరావేశంతో ఊగిపోయారు. కానీ, అమరావతి సమస్యకు పరిష్కారం లభించేదెలా.?
కాస్సేపట్లో అయోధ్యలో రామ మందిర నిర్మాణానికి ప్రధాని నరేంద్ర మోడీ శంకుస్థాపన చేయబోతున్నారు. ‘పరిష్కారం లేని సమస్య’గా మారిన, అయోధ్య రామ మందిర వివాదానికి మోడీ హయాంలో ‘శుభం’ కార్డు పడటం ఆహ్వానించదగ్గ పరిణామమే. అయోధ్య భూమి పూజ కోసం ఎన్నో ప్రత్యేకమైన కార్యక్రమాలు చేపడుతున్నారు. పవిత్ర నదుల నుంచి జలాల్నీ, పవిత్ర ప్రాంతాల నుంచి పుట్ట మన్నునీ సేకరించారు. ఆగండాగండీ.. ఎక్కడో విన్నట్టుంది కదూ ఈ ప్రక్రియ.! ఔను, అమరావతి శంకుస్థాపన విషయంలో ఇదే జరిగింది. ప్రధాని నరేంద్ర మోడీ కూడా, గుప్పెడు మట్టి.. చెంబుడు నీళ్ళు అత్యంత పవిత్రంగా ఢిల్లీ నుంచి తీసుకొచ్చారు.
దేశంలోని వివిధ ప్రాంతాల నుంచి పవిత్ర జలాల్నీ, పుట్ట మన్నునీ సేకరించి.. అమరావతి ప్రాంతంలో అప్పటి చంద్రబాబు ప్రభుత్వం హెలికాప్టర్ ద్వారా చల్లిన విషయాన్ని ఎలా మర్చిపోగలం.? ఏళ్ళు గడిచిపోతున్నాయ్.. అమరావతిలో ఇంకా రాజధాని నిర్మాణం పూర్తిస్థాయిలో జరగలేదు. ఇకపై అసలు అమరావతి అనేది ఉనికిలో వుండకపోవచ్చన్న అనుమానాలు వ్యక్తమవుతున్నాయి. మరి, ప్రధాని నరేంద్ర మోడీ తాను శంకుస్థాపన చేసిన అమరావతిని ఎందుకు పట్టించుకోవడంలేదు.?
అయోధ్య రామ మందిరం హిందువులకు పరమ పవిత్రమైనది.. ఇందులో ఇంకో మాటకు తావు లేదు. ఓ రాష్ట్రానికి రాజధాని అనేది కూడా అంతే పవిత్రమైనది. దురదృష్టవశాత్తూ ఆంధ్రప్రదేశ్ రాజధానితో అన్ని రాజకీయ పార్టీలూ ‘వికృత రాజకీయ ఆట’ ఆడేస్తున్నాయి. ఇందులో టీడీపీ మెయిన్ ప్లేయర్ అయితే, ఆ ప్లేస్లోకి ఇప్పుడు వైసీపీ వచ్చింది. బీజేపీ ఆటని ఇక్కడ తక్కువగా చూడలేం. అయోధ్య రామ మందిర నిర్మాణానికి సంబంధించిన ప్రత్యేకతల్ని మీడియాలో తిలకిస్తోన్న ప్రతి తెలుగువాడికీ, అమరావతి శంకుస్థాపన గుర్తుకొస్తోందంటే.. అమరావతి విషయంలో చేసిన హడావిడి ఆ స్థాయిలో వుండేది మరి.
397712 648057In todays news reporting clever journalists function their very own slant into a story. Bloggers use it promote their works and numerous just use it for fun or to stay in touch with friends far away. 300184
559634 30224Hiya! Fantastic blog! I happen to be a everyday visitor to your web site (somewhat a lot more like addict ) of this website. Just wanted to say I appreciate your blogs and am searching forward for far more to come! 656292