సినిమా హీరో కొడుకు మళ్లీ సినిమా హీరో అయితే తప్పేంటీ.? డాక్టర్‌ కొడుకు డాక్టర్‌ కావచ్చు.. రాజకీయ నాయకుడి కొడుకు రాజకీయాల్లోకి రావచ్చు. కొడుకులకే కాదు, ఈ నియమం కూతుళ్లకీ వర్తిస్తుంది. పండిత పుత్ర పరమ శుంఠ అన్న నానుడి ఉన్నట్లుగానే తండ్రిని మించిన వారసులూ కనిపిస్తారు. ములాయం సింగ్‌ తనయుడు అఖిలేష్‌ యాదవ్‌, యూపీ రాజకీయాల్లో తనదైన ముద్ర వేశారు. రాజకీయ వారసత్వంలో గాంధీ కుటుంబానికి సాటి ఇంకోటి లేదు.
కానీ, తెలుగు నాట తండ్రికి తగ్గ తనయులు రాజకీయాల్లో చాలా అరుదుగా కనిపిస్తారు. ముఖ్యమంత్రిగా పని చేసిన పలువురు ప్రముఖుల వారసులు రాజకీయాల్లో తండ్రిని మించిన స్థాయికి చేరుకోలేకపోయారు. స్వర్గీయ నందమూరి తారకరామారావు తెలుగు రాజకీయాల్లో పెను సంచలనం. ఆయన కుమారుడు నందమూరి హరికృష్ణ, రాష్ట్ర మంత్రిగా, రాజ్యసభ సభ్యుడిగా పని చేశారు. కానీ ముఖ్యమంత్రి పీటమెక్కలేకపోయారు. తండ్రి మరణానంతరం కొత్త రాజకీయ పార్టీ పెట్ట, దాన్ని నడపలేకపోయారాయన. నాదెండ్ల భాస్కరరావు తనయుడు నాదెండ్ల మనోహర్‌ స్పీకర్‌ స్థాయి నుండి ఎదగలేకపోయారు.
మర్రి చెన్నారెడ్డి తనయుడు మర్రి శశిధర్‌ కావచ్చు, కాసు బ్రహ్మానందరెడ్డి తనయుడు కాసు కృష్ణారెడ్డి కావచ్చు.. కోట్ల విజయభాస్కరరెడ్డి తనయుడు కోట్ల సూర్య ప్రకాష్‌ రెడ్డి కావచ్చు.. ఇలా చెప్పుకుంటూ పోతే చాలా మంది ముఖ్యమంత్రి తనయులు తండ్రిని మించలేదు సరికదా.. కనీసం తండ్రి స్థాయికి కూడా చేరుకోలేకపోయారు. ఇలా ఎవరికీ సాధ్యం కాని అరుదైన రికార్డ్‌ని వైఎస్ రాజశేఖర్‌ రెడ్డి తనయుడు వైఎస్ జగన్‌మోహన్‌ రెడ్డి సాధించారు. ఉమ్మడి ఆంధ్రప్రదేశ్‌కి రెండు పర్యాయాలు ముఖ్యమంత్రిగా పని చేసిన వైఎస్ రాజశేఖర్‌రెడ్డి హెలికాప్టర్‌ ప్రమాదంలో మరణించడం, తర్వాత ఆ పార్టీలో తీవ్రమైన సమస్యలు ఎదుర్కొన్న జగన్, కాంగ్రెస్‌ నుండి బయటికొచ్చి, సొంత కుంపటి వైఎస్సార్‌ కాంగ్రెస్‌ పార్టీని స్థాపించడం తెలిసిన సంగతులే.
2014లో ఆ పార్టీ ఓటమి తర్వాత నెగిటివ్‌ సెంటిమెంట్‌ కారణంగానే జగన్ ముఖ్యమంత్రి కాలేకపోయాడనీ, తెలుగు రాజకీయాల్లో వారసులకు ముఖ్యమంత్రి అయ్యే అవకాశం లేదనీ, అందరూ అనుకున్నారు. కానీ, అందరి అంచనాల్నీ తలకిందులు చేస్తూ ఇటీవల ఎన్నికల్లో అనూహ్యం విజయం సాధించిన వైఎస్ జగన్ ఆంధ్రప్రదేశ్‌ ముఖ్యమంత్రిగా బాధ్యతలు స్వీకరించారు. అందుకే ‘ఆడు మగాడ్రా బుజ్జీ.. వైఎస్ జగన్ తెలుగునాట ఒకే ఒక్కడు’. జగన్ రికార్డుని భవిష్యత్తులో ఇంకెవరైనా సమం చేస్తారా.? ఆ అవకాశం ఎవరికుంది.? సమీప భవిష్యత్తులో కల్వకుంట్ల తారకరామారావుకు మాత్రమే ఆ ఛాన్స్‌ కనిపిస్తోంది. ఏపీ రాజకీయాల్లో బాలకృష్ణకు ఆ అవకాశం ఉన్నా, అంతటి సమర్ధత ఆయనకు లేదు.
953051 214892Some genuinely wonderful info , Gladiola I detected this. 501221
128587 870029Wahhhh,!! I dnt feel its food thats generating her tummy groww!!|tiitaBoo| 342317
761568 654065Glad to be 1 of numerous visitants on this amazing internet web site : D. 442
199104 29247We offer the most effective practical and most applicable solutions. All our Sydney plumbers are experienced and qualified and are able to speedily assess your problem and discover the most effective solution. 230829
356288 655361the most common table lamp these days nonetheless use incandescent lamp but some of them use compact fluorescent lamps which are cool to touch.. 800368