నందమూరి కళ్యాణ్ రామ్ నుండి వస్తోన్న నెక్స్ట్ సినిమా డెవిల్. ఈ నెల 29న ఈ చిత్రం విడుదల కాబోతోంది. అందుకే కొన్ని రోజులు ముందుగా ట్రైలర్ ను విడుదల చేసారు. ఈ చిత్ర ట్రైలర్ మొత్తం ఒక మర్డర్ ను చేధించే సీక్రెట్ ఏజెంట్ కథగా తెలుస్తోంది. స్వాతంత్య్రానికి ముందు జరిగే కథ ఇది. కళ్యాణ్ రామ్ లుక్ అదిరింది. ట్రైలర్ లో ముఖ్యంగా ఆర్ట్ వర్క్ కొట్టొచ్చినట్లు కనిపిస్తోంది.
ఇక బ్రిటిష్ ఏజెంట్ గా ఉన్న హీరో ఎందుకని వారికే ఎదురుతిరగాల్సి వచ్చింది. ఆపరేషన్ టైగర్ హంట్ ఏంటి? ఇలా మొత్తం సస్పెన్స్ తో నిండి ఉంది ట్రైలర్. ఇక ఇందులో శవాలు సాక్ష్యాలు చెప్పడం ఎప్పుడైనా చూసావా అని హీరో డైలాగ్ చెప్పడం ఇంప్రెసివ్ గా ఉంది.
మొత్తమ్మీద డెవిల్ ట్రైలర్ ఆసక్తికరంగా ఉంది. అభిషేక్ నామా ఈ సినిమాకు దర్శకుడు, నిర్మాతగా వ్యవహరించాడు.