ఏ రంగంలోనైనా ఓ కుటుంబానికి ఉన్న ఘన చరిత్రను వారసత్వంగా నిలబెట్టడం బాధ్యత. సినిమా, రాజకీయం.. ఏదైనా వ్యక్తుల వారసులకు ఇది సవాలే అయినా కొందరు తమకంటూ ఓ గుర్తింపు తెచ్చుకుని వారసత్వాన్ని ఘనంగా చాటుతారు. అటువంటి వారిలో తెలుగు సినీ రంగంలో అక్కినేని నాగార్జున ప్రముఖంగా నిలుస్తారు. తండ్రి అక్కినేని నాగేశ్వరరావు వేసిన బలమైన పునాదిపై ఆయనే ఓ భవనం కడితే.. నాగార్జున దానిని ఇంద్రభవనం చేశారు. నటన, నిర్మాణం, వ్యాపారం.. ఇలా అక్కినేని వంశానికి చెందిన ప్రతి రంగంలో నాగార్జున బలమైన ముద్ర వేశారు. 80,90ల్లో నాగార్జున తెలుగు చిత్రసీమలోని నలుగురు అగ్రహీరోల్లో ఒకరిగా యువసామ్రాట్ గా నిలిచారంటే తనదైన నటనతో రాణించడమే కారణం. హ్యాండ్సమ్ లుక్, స్టయిల్ తో అప్పటి యూత్ కు నాగార్జునే హాట్ ఫేవరేట్. నేడు ఆయన పుట్టినరోజు.
కొత్తవారికి ప్రోత్సాహం..
టెక్నీషియన్లను ప్రోత్సహించడంలో నాగార్జున ముందుండే ఉండేవారు. రామ్ గోపాల్ వర్మ, గీతాకృష్ణ, కిరణ్, కల్యాణ్ కృష్ణ వంటి వారికి దర్శకులుగా అవకాశం ఇచ్చి ప్రోత్సహించారు. తెలుగుకు వర్కౌట్ కాని ట్రాజెడిక్ ఎండింగ్ గీతాంజలిలో చేసి సక్సెస్ అయ్యారు. ఫ్యామిలీ, యాక్షన్, థ్రిల్లర్ సినిమాలు.. అన్నమయ్య, శ్రీరామదాసు, శిర్డిసాయి, ఓం నమో వేంకటేశాయ వంటి భక్తి సినిమాలు చేశారు. గగనం, ఆకాశ వీధిలో వంటి ప్రయోగాత్మక సినిమాలు.. ఆజాద్ వంటి సందేశాత్మక చిత్రాలూ చేశారు. దీంతో సక్సెస్ ఫుల్ హీరోగానే కాకుండా తండ్రి సినీ వారసత్వాన్ని ఘనంగా చాటారు. అక్కినేని సినీ వారసత్వాన్ని మూడో తరంగా కుమారులు నాగ చైతన్య, అఖిల్ ను సినీ రంగ ప్రవేశం చేయించారు. అఖిల్ ను ఏడాది వయసులోనే సిసింద్రీ సినిమాలో ప్రధాన పాత్రలో పరిచయం చేసి ముందు తరానికి బీజం వేశారు.
నటనతోపాటు వ్యాపారంలోనూ..
నటన మాత్రమే కాకుండా నిర్మాణ రంగంలోనూ నాగార్జున తనదైన ముద్ర వేశారు. అన్నపూర్ణ స్టూడియోస్ బాధ్యతను భాగస్వామిగా పర్యవేక్షిస్తున్నారు. అన్నపూర్ణ స్టూడియోస్, అన్నపూర్ణ ఇంటర్నేషనల్ స్కూల్ ఆఫ్ ఫిలిం అండ్ మీడియా, టెలివిజన్ ప్రొడక్షన్, సినిమా నిర్మాణం వంటి బాధ్యతను సమర్ధవంతంగా నిర్వహిస్తున్నారు. పలు యాడ్స్ కు బ్రాండ్ అంబాసిడర్ గా వ్యవహరిస్తున్నారు. ప్రముఖ రియాలిటీ షో మీలో ఎవరు కోటేశ్వరుడుకు ఓసారి, బిగ్ బాస్ కు 2019 నుంచి హోస్ట్ గా ఉన్నారు. క్రీడలపై ఆసక్తితో ఇండియన్ బ్యాడ్మింటన్ లీగ్, మహీ రేసింగ్ టీమ్, ఇండియన్ సూపర్ లీగ్, కేరళ బ్లాస్టర్స్ ను ప్రమోట్ చేశారు. ప్రస్తుతం ఆయన నటించిన ఘోస్ట్, బ్రహ్మాస్త్ర సినిమాలు విడుదలకు రెడీగా ఉన్నాయి. ఈ సందర్భంగా నాగార్జున మరిన్ని విజయాలు సాధించాలని కోరుకుంటూ బర్త్ డే విశెష్ చెప్తోంది ‘తెలుగు బులెటిన్’.
563690 845327Soon after study a couple of of the blog articles for your website now, and that i truly like your method of blogging. I bookmarked it to my bookmark website list and are checking back soon. Pls consider my internet web site too and inform me what you consider. 581061
822243 803720I was examining some of your content material on this internet site and I believe this site is rattling instructive! Keep putting up. 707466
201974 23780Any way Ill be subscribing to your feed and I hope you post again soon. I dont think I could have put it much better myself. 358744
895374 712940Thank you for the auspicious writeup. It in fact was a amusement account it. Look advanced to much more added agreeable from you! However, how could we communicate? 70326