పార్టీ అధినేత మీద మమకారమెక్కువైపోతే.. ఆ దిశగా ప్రతి రోజూ ప్రకటనలు ఇచ్చుకోవచ్చుగాక.! అది ఆయా వ్యక్తుల ఇష్టాన్ని బట్టి వుంటుంది. కానీ, రాష్ట్ర ప్రజలంతా ముఖ్యమంత్రికి అండగా వుండాలని మంత్రులు ప్రకటనలు గుప్పించడమేంటి.? ఇది కూడా ప్రకృతి వైపరీత్యం లాంటిదేమోనన్న చర్చ సర్వత్రా జరుగుతోంది.
ప్రపంచ రాజకీయాల్లోనే ఎప్పుడూ ఎక్కడా కనీ వినీ ఎరుగని వింత పైత్యం ఇది. యావత్ ప్రపంచం కరోనా వైరస్ దెబ్బకి విలవిల్లాడుతోంది. ఈ సమయంలో ప్రజలకు అండగా వుండాల్సింది ప్రభుత్వాలు. ఆ ప్రభుత్వాలు ప్రజలకు భరోసా ఇచ్చేలా వుండాలి. కానీ, ఆంధ్రప్రదేశ్లో మాత్రం ప్రజలంతా ముఖ్యమంత్రిగారికి అండగా వుండాలట.
గతంలో టీడీపీ అధినేత, అప్పటి ఆంధ్రప్రదేశ్ ముఖ్యమంత్రి నారా చంద్రబాబునాయుడు, ‘నాకు మీరంతా అండగా వుండాలి..’ అని పిలుపునిచ్చి, ప్రజల్లో పలచనైపోయారు. నిత్యం చంద్రబాబు విధానాలపై విరుచుకుపడే వైఎస్ జగన్ మోహన్రెడ్డి, చిత్రంగా అదే చంద్రబాబు బాటలో పయనిస్తుండడం గమనార్హం.
‘స్వామిభక్తి’ వుండొచ్చుగానీ.. మరీ ఇంతలానా.? అంటూ మంత్రుల ప్రకటనలపై జనం అసహనం వ్యక్తం చేస్తున్నారు. ఆంధ్రప్రదేశ్లో ఇప్పటికే 300కి పైగా కరోనా పాజిటివ్ కేసులు నమోదయ్యాయి..వీరిలో నలుగురు ప్రాణాలు కోల్పోయారు కూడా. ‘కరోనా వైరస్ మరీ అంత సీరియస్ ఏమీ కాదు.. చిన్నపాటి జ్వరం లాంటిదే.. పారాసిటమాల్ వేసుకుంటే తగ్గిపోతుంది.. బ్లీచింగ్ పౌడర్ వేస్తే వైరస్ చచ్చిపోతుంది..’ అంటూ లైట్ తీసుకున్న ముఖ్యమంత్రికి ప్రజలు అండగా వుండాలనడం హాస్యాస్పదం కాక మరేమిటి.?
మంత్రులు, ముఖ్యమంత్రి మెప్పు కోసం పోటీ పడుతున్నారా.? ముఖ్యమంత్రే, మంత్రుల పేరుతో పబ్లిసిటీ స్టంట్లు చేస్తున్నారా.? కరోనా దెబ్బకి తమ భవిష్యత్తు ఏమవుతుందో తెలియక విలవిల్లాడుతున్న రాష్ట్ర ప్రజలు, అధికార పార్టీ నేతల కామెడీ చూసి ముక్కున వేలేసుకోవాల్సి వస్తోంది. తమ దుస్థితి పట్ల ఆందోళన చెందాలో, ప్రభుత్వంలో వున్నవారి వెకిలితనం చూసి విస్తుపోవాలో అర్థం కాని పరిస్థితి ఆంధ్రప్రదేశ్ ప్రజలది.
138187 762066I truly enjoy examining on this website , it has good content . 271207
284032 45222noutati interesante si utile postate pe blogul dumneavoastra. dar ca si o paranteza , ce parere aveti de inchiriere vile vacanta ?. 159025
237802 175575The great intreguing articles keep me coming back here time and time once again. thank you so significantly. 43180