హారర్ చిత్రాలకు ఒక ప్రత్యేకమైన వెసులుబాటు ఉంటుంది. సినిమా మరీ అద్భుతంగా ఏం ఉండాల్సిన అవసరం లేదు. ఓ మోస్తరుగా థ్రిల్ చేసినా కానీ ఆ వర్గాన్ని ఇష్టపడే వాళ్ళు చూసేస్తారు. కథ, కథనాలపై కాస్త ఫోకస్ పెడితే చాలు వర్కౌట్ అయిపోతుంది. మరోవైపు థ్రిల్స్ ఊహించేలా ఉన్నా కూడా కష్టమే. ఆ రకంగా కత్తిమీద సామే అనుకోవాలి.
ఇదంతా ఇప్పుడెందుకు అంటే హారర్ చిత్రాలతో ప్రత్యేకమైన ఇమేజ్ ను సంపాదించుకున్న దర్శకుడు ఓంకార్ మాన్షన్ 24 అనే హారర్ థ్రిల్లర్ సిరీస్ తో మన ముందుకు వచ్చాడు. ఈ సిరీస్ హాట్ స్టార్ స్ట్రీమ్ అవుతోంది. ఇప్పటికే ఈ జోనర్ ను ఇష్టపడే వారు దీనిపై ఓ లుక్కేసారు.
మరి మిగతావారి కోసం ఈ ఆరు ఎపిసోడ్ల సిరీస్ ఎలా ఉందంటే… ఓంకార్ అంచనాలను అందుకోలేకపోయాడనే చెప్పాలి. ఆరు విభిన్నమైన నేపధ్యాలను అందుకున్నాడు కానీ దేన్నీ కూడా ఎఫెక్టివ్ గా చెప్పలేదు. అక్కడక్కడా మెరుగ్గా అనిపించే ఈ థ్రిల్లర్ బిలో యావరేజ్ మార్కులే వేయించుకుంది.