దళపతి విజయ్, లోకేష్ కనగరాజ్ కాంబినేషన్ లో తెరకెక్కిన చిత్రం లియో రేపే ప్రేక్షకుల ముందుకు వస్తోంది. దసరా కానుకగా విడుదలవుతోన్న ఈ చిత్రంపై అంచనాలు ఓ రేంజ్ లో ఉన్న విషయం తెల్సిందే. ఇప్పటికే ప్రీసేల్స్ ద్వారా 1 మిలియన్ డాలర్స్ మార్క్ ను దాటేసింది ఈ చిత్రం. ఇదిలా ఉంటే లియోకు సంబంధించిన భారీ సస్పెన్స్ ను అలాగే కంటిన్యూ చేస్తూ వస్తున్నాడు దర్శకుడు.
అదే ఈ చిత్రం లోకేష్ సినిమాటిక్ యూనివర్స్ లో భాగమా కాదా అని. ఎన్ని ఇంటర్వ్యూలు అయినా కూడా లియోకు సంబంధించిన ఈ విషయాన్ని అధికారికంగా చెప్పలేదు. అయితే హీరో నుండి రాజకీయాల్లోకి వచ్చిన ఉదయనిధి స్టాలిన్ ఈ చిత్రానికి సంబంధించిన భారీ సస్పెన్స్ ను రివీల్ చేసేసాడు.
తాను లియో చూశానని, చాలా అద్భుతంగా ఉందని చెబుతూనే ఈ చిత్రం ఎల్ సీయూలో భాగమని రివీల్ చేసేసాడు.