‘కరోనా వైరస్ నుంచి మనల్ని మనం కాపాడుకోవాలంటే.. ఆ వైరస్కి దూరంగా వుండాలి. అలా చేయాలంటే లాక్డౌన్ తప్ప ఇంకో మార్గం లేదు. ప్రస్తుతానికి కరోనా వైరస్కి మందు లేదు గనుక.. లాక్డౌన్ని కొనసాగించాల్సిందే.. ప్రజల ప్రాణాల కంటే ప్రభుత్వాలకి ఏదీ ముఖ్యం కాకూడదు..’ తెలంగాణ ముఖ్యమంత్రి కల్వకుంట్ల చంద్రశేఖర్రావు కాస్సేపటి క్రితం చెప్పిన మాటల సారాంశమిది.
‘బతికుంటే బలుసాకు తినొచ్చు..’ అనే మాటని కరోనా వైరస్కి సంబంధించి ఏర్పాటు చేసిన తొలి ప్రెస్ మీట్లోనే కేసీఆర్ చెప్పారు. అదే మాటకి ఆయన ఇప్పటికీ కట్టుబడి వున్నారు. ఏప్రిల్ 20 నుంచి లాక్డౌన్కి సంబంధించి కొన్ని సడలింపులు ఇవ్వాలని కేంద్రం నిర్ణయించిన విషయం విదితమే. ‘హాట్ స్పాట్స్’ మినహా మిగతా ప్రాంతాలకు ఈ ‘సడలింపులు’ వర్తించనున్నాయి.
అయితే, ఆ సడలింపుల వ్యవహారాన్ని ‘భస్మాసురహస్తం’గా అభివర్ణిస్తున్నారు కొందరు నిపుణులు. ఒక్కసారి సడలింపు అంటూ జరిగితే, ఆ తర్వాత దేశంలో కరోనా వైరస్ కేసుల సంఖ్యని ఆపడం ఎవరి తరమూ కాదన్నది నిపుణుల వాదన. ఆ నిపుణుల ఆలోచనలకు తగ్గట్టే కేసీఆర్ నాయకత్వ లక్షణాల్ని ప్రదర్శిస్తున్నారు. నాయకుడిగా తన బాధ్యతను గుర్తెరిగి వ్యవహరిస్తున్నారాయన.
2020-21 సంవత్సరానికిగాను స్కూల్ ఫీజుల్లో రూపాయి కూడా పెంచడానికి వీల్లేదని తేల్చి చెప్పేశారు కేసీఆర్. ఇంటి అద్దెల్ని వాయిదా వేసుకోవాల్సిందిగా హౌస్ ఓనర్స్కి సూచించారు. మే నెలకి కూడా ఉచితంగా రేషన్ అందించడంతోపాటుగా, 1,500 రూపాయలు తెల్ల రేషన్ కార్డ్ వున్నవారికి అందించనున్నట్లు స్పష్టం చేశారు. ఢిల్లీలో ఆన్లైన్ ఫుడ్ డెలివరీ బాయ్కి కరోనా సోకిన నేపథ్యంలో, తెలంగాణలో ఆన్లైన్ ఫుడ్ డెలివరీ సిస్టమ్ ఇకపై పనిచేయకుండా చర్యలు తీసుకోనున్నట్లు కేసీఆర్ ప్రకటించడం గమనార్హం.
కేసీఆర్ నోట వచ్చే ఒక్కో మాటా ‘తూటా’లా పేలుతోంది. ఆ మాటల్లో నిజాయితీ కన్పిస్తోంది. ప్రజల పట్ల ముఖ్యమంత్రికి వున్న బాధ్యత కన్పిస్తోంది. ఔను, లీడర్ అంటే కేసీఆర్లానే వుండాలి. ఇందులో ఇంకో మాటకు తావు లేదు. సంక్షోభంలో ముఖ్యమంత్రి కేసీఆర్.. తన సత్తా చాటుతున్నారు. ‘హెలికాప్టర్ మనీ కాకపోతే, ఎయిర్ క్రాఫ్ట్ మనీ అని పేరు పెట్టండి.. కానీ, ఈ పరిస్థితుల్లో ప్రజల్నీ, రాష్ట్రాల్నీ ఆర్థికంగా ఆదుకునేందుకు కేంద్రం తగిన ఏర్పాట్లు చేయాల్సిందే..’ అని కేసీఆర్ కుండబద్దలుగొట్టేశారు.
988177 737826Im so pleased to read this. This is the kind of manual that needs to be given and not the accidental misinformation thats at the other blogs. Appreciate your sharing this very best doc. 349647