‘లాక్‌’ ఫెయిల్‌: పెను ముప్పు ముంగిట భారతదేశం.!

ప్రపంచంలోని ఇతర దేశాలతో పోల్చితే, భారతదేశం అత్యంత సమర్థవంతంగా వ్యవహరిస్తోందంటూ ప్రపంచ ఆరోగ్య సంస్థ (డబ్ల్యుహెచ్‌వో) కరోనా వైరస్‌ విషయమై భారత్‌ తీసుకుంటున్న చర్యల్ని ప్రశంసించింది. అయితే, మొదట్లో దేశంలో కరోనా వైరస్‌.. కాస్త నెమ్మదిగానే కన్పించింది. లాక్‌డౌన్‌ సత్ఫలితాలనిచ్చినట్లే అంతా భావించారు. ఎప్పుడైతే నిజాముద్దీన్‌ తబ్లిగీ మర్కజ్‌ వ్యవహారం వెలుగు చూసిందో.. ఆ తర్వాత సీన్‌ మొత్తం మారిపోయింది.

నిన్నటికి నిన్న కేవలం మహారాష్ట్ర, ఢిల్లీల్లో కలిపి మొత్తంగా ఏడొందలకు పైగా కేసులు నమోదయ్యాయి. దేశవ్యాప్తంగా మొత్తం కరోనా పాజిటివ్‌ కేసుల సంఖ్య 1500 వరకూ చేరుకుంది. దేశంపై ‘కరోనా పంజా’ విసురుతోందనడానికి ఇంతకన్నా నిదర్శనం ఇంకేం కావాలి.? తెలంగాణలోనూ నిన్న మొత్తంగా 61 కేసులు నమోదు కావడం గమనార్హం. పరిస్థితి అదుపులోకి వచ్చినట్లే వచ్చి చెయ్యిదాటిపోవడమంటే ఇదే మరి.! ఎక్కడో ఏదో లోపం జరిగింది. అదేంటన్నది ప్రస్తుతానికి అంతు చిక్కడంలేదు.

తబ్లిగీలను గుర్తించడంలో ప్రభుత్వాలు విఫలమయ్యాయా.? లాక్‌డౌన్‌ని పటిష్టంగా అమలు చేయడంలో విఫలమయ్యామా.? అన్నదానిపై చర్చోపచర్చలు నడుస్తున్నాయి. మొత్తంగా దేశంలో కేసుల సంఖ్య 10,000 దాటడంతో ప్రమాద ఘంటికలు గట్టిగానే మోగుతున్నట్లు భావించాల్సి వుంటుంది. కొన్ని రాష్ట్రాల్లో పరిస్థితులు అదుపులోనే వున్నా, అక్కడా వైద్య పరీక్షలు పూర్తి స్థాయిలో జరగకపోవడం వల్లే కేసుల సంఖ్య తక్కువగా నమోదవుతోందనే వాదనలు విన్పిస్తున్నాయి.

భారత్‌ వంటి జనసమ్మర్ధం ఎక్కువగా వున్న, అభివృద్ధి చెందుతున్న దేశంలో కోరోనా మహమ్మారి పెను విలయం సృష్టించే అవకాశం వుంది. మరి, ఈ గండం నుంచి దేశం గట్టెక్కేదెలా.? ‘లాక్‌ డౌన్‌’ ఫెయిల్‌ అయ్యిందని చెప్పడం ఈ సందర్భంలో కరెక్ట్‌ కాదు. ఎందుకంటే, ఆ ‘లాక్‌డౌన్‌’ వల్లనే పరిస్థితి ఇలాగైనా వుందని మనం అర్థం చేసుకోవాల్సి వుంటుంది. అయితే, ‘లాక్‌డౌన్‌’ అమలు చేయడంలో ప్రభుత్వాల వైఫల్యం కొంత వుంటే, నిర్లక్ష్యంగా వ్యవహరించిన ప్రజల పాత్ర కూడా తక్కువేమీ కాదు.