ఇదేంటి ‘రమణ’.. ఈ ట్విస్ట్‌ ఏంటీ?

తెలంగాణ రాష్ట్ర తెలుగు దేశం పార్టీ అధ్యక్షుడు ఎల్‌ రమణ పార్టీ మారబోతున్నాడు అంటూ చాలా రోజులుగా మీడియాలో వార్తలు వస్తున్నాయి. టీఆర్‌ఎస్ నుండి ఈటెల వెళ్లి పోయిన నేపథ్యంలో అదే జిల్లాకు చెందిన బీసీ నాయకుడు అయిన ఎల్‌ రమణ ను తీసుకోవడం వల్ల ఖచ్చితంగా ప్రయోజనం ఉంటుందని టీఆర్‌ఎస్ భావిస్తుంది. అందుకే ముఖ్య నాయకులు మరియు కింది స్థాయి కార్యకర్తలు కూడా ఎల్‌ రమణ ను టీఆర్‌ఎస్ లోకి తీసుకోవాలని భావిస్తున్నారు. ఎల్‌ రమణ టీఆర్‌ఎస్‌ ఎంట్రీ దాదాపుగా కన్ఫర్మ్‌ అయ్యింది అంటూ వార్తలు వస్తున్నాయి. ఈ సమయంలో ఆయన ట్విస్ట్‌ ఇచ్చాడు.

కరీంనగర్ లోని తన సొంత నియోజక వర్గంలో కార్యకర్తలతో సమావేశం అయిన రమణ త్వరలో తన నిర్ణయం ను ప్రకటించబోతున్నట్లుగా పేర్కొన్నాడు. ప్రస్తుతానికి తనకు ఎవరు పదవులు ఆశ చూపించలేదు నేను ఏ పార్టీలోకి కూడా వెళ్లేందుకు అంగీకారం చెప్పలేదన్నాడు. తన సన్నిహిత కార్యకర్తలతో చర్చించిన తర్వాత నిర్ణయం తీసుకుంటాను అంటూ ప్రకటించాడు. టీఆర్‌ఎస్ మరియు బీజేపీల నుండి ఆహ్వానం అందిన విషమై ఆయన క్లారిటీ ఇచ్చాడు. రెండు పార్టీల నుండి ఆహ్వానం అందింది అన్నాడు. తెలుగు దేశం పార్టీ నాయకు రాజకీయ భిక్ష పెట్టింది. కనుక తనకు తెలుగు దేశం పార్టీ అంటే గౌరవం ఉంది అంటూనే రాజకీయాల్లో కొన్ని సార్లు ఊహించని మార్పులు తప్పవంటూ పార్టీ మారడంపై క్లారిటీ ఇచ్చాడు. కాని ఏ పార్టీ అనే విషయమై ట్విస్ట్‌ పెట్టాడు. పదవుల కోసం తాను పార్టీ మారుతున్నట్లుగా వస్తున్న వార్తలను ఖండించాడు.