Krishna Vamsi: జూనియర్ ఎన్టీఆర్ (Jr Ntr) హీరోగా కృష్ణవంశీ (Krishna Vamsi) దర్శకత్వంలో తెరకెక్కిన సినిమా ‘రాఖీ’. అదే తరహాలో మరో సినిమాకు శ్రీకారం చుట్టబోతున్నారు కృష్ణవంశీ. రాఖీ సినిమాను ప్రస్తావిస్తూ ఓ నెటిజన్ అడిగిన ప్రశ్నకు ఆయన సమాధానం ఇచ్చారు. రాఖీలాంటి సినిమా మళ్లీ జూనియర్ ఎన్టీఆర్ తో ఉంటుందా..? అనే ప్రశ్నకు ఆయన సమాధానం ఇచ్చారు.
‘ఎన్టీఆర్ ఇప్పుడు ఇంటర్నేషనల్ స్టార్. ఆయనతో కాదు కానీ.. రాఖీ తరహాలోనే మరో సినిమా ప్లాన్ చేస్తున్నాను. అది హీరోయిన్ ఓరియెంటెడ్ గా ఉంటుంది. డిఫరెంట్ ప్రాబ్లమ్.. డిఫరెంట్ కాన్సెప్ట్.. అన్నీ కుదిరితే త్వరలోనే ఉంటుంది’ అని సమాధానం ఇచ్చారు. క్రియేటివ్ డైరక్టర్ గా పేరు తెచ్చుకున్న కృష్ణవంశీ నుంచి వచ్చిన అప్డేట్.. మరో మంచి మెసేజ్ రానుందని అభిప్రాయాలు వ్యక్తమవుతున్నాయి.
2006లో విడుదలైన రాఖీ సినిమా సమాజంలో మహిళలు, యువతులపై జరుగుతున్న దురాగతాల్ని చూపించారు. చెల్లెలి కోసం ప్రాణంపెట్టే అన్న.. ఆమెకు జరిగిన అన్యాయం మరెవరికీ జరగకూడదని పోరాడే పాత్రలో ఎన్టీఆర్ నటించారు.