మాస్టర్‌ తర్వాత మళ్లీ తుపాకీ పట్టనున్నాడట

తమిళ సూపర్‌ స్టార్‌ విజయ్‌ జోరు మామూలుగా లేదు. గత రెండు మూడు సంవత్సరాలుగా విజయ్‌ చేస్తున్న ప్రతి సినిమా కూడా ఈజీగా వంద కోట్ల మార్క్‌ను టచ్‌ చేస్తోంది. సినిమా హిట్‌ ఫ్లాప్‌తో సంబంధం లేకుండా వరుసగా భారీ వసూళ్లు నమోదు అవుతూనే ఉన్నాయి. విజయ్‌ గత చిత్రం బిగిల్‌ ఏ స్థాయిలో వసూళ్లను దక్కించుకుందో ప్రత్యేకంగా చెప్పనక్కర్లేదు. తెలుగు మరియు మలయాళంలో కూడా ఈయన సినిమాలు భారీగా వసూళ్లను రాబడుతున్నాయి.

ఈ కారణంగానే వరుసగా చిత్రాలు చేస్తూనే ఉన్నాడు. సంవత్సరంలో రెండు సినిమాలు విడుదల లక్ష్యంగా సినిమాలు చేస్తూ వస్తున్న విజయ్‌ ఒక వైపు మాస్టర్‌ చేస్తూనే మరో వైపు తదుపరి చిత్రంకు సంబంధించిన చర్చలు జరుపుతున్నాడు. నిన్న మొన్నటి వరకు విజయ్‌ తదుపరి చిత్రం సుధ కొంగర దర్శకత్వంలో ఉంటుందని అనుకున్నారు. కాని తాజాగా అందుతున్న సమాచారం ప్రకారం విజయ్‌ తదుపరి చిత్రం మురుగదాస్‌ దర్శకత్వంలో ఉంటుందని తెలుస్తోంది.

మురుగదాస్‌, విజయ్‌ల కాంబోలో ఇప్పటికే తుపాకి, కత్తి, సర్కార్‌ చిత్రాలు వచ్చాయి. ఆ మూడు కూడా మంచి విజయాలను దక్కించుకున్నాయి. ముఖ్యంగా తుపాకి చిత్రం ఒక మంచి సందేశంతో ఆకట్టుకుంది. అందుకే ఇప్పుడు తుపాకి చిత్రానికి సీక్వెల్‌ చేయాలనే ఆలోచనలో ఉన్నట్లుగా తెలుస్తోంది. అవే పాత్రలతో కథ వేరుగా ఒక చిత్రాన్ని విజయ్‌ చేసేందుకు ఓకే చెప్పాడు.

ప్రస్తుతం మురుగదాస్‌ అందుకోసం స్క్రిప్ట్‌ వర్క్‌ చేస్తున్నట్లుగా తమిళ మీడియాలో వార్తలు వస్తున్నాయి. తెలుగులో కూడా తుపాకికి మంచి ఆధరణ దక్కింది. అందుకే రీమేక్‌ పై తెలుగు ఆడియన్స్‌లో కూడా అప్పుడే చర్చ మొదలైంది.