Kavitha: రంగుల పండగ హోళీ కాస్తా, గులాబీ పండగగా మారిపోయింది ఓ సెక్షన్ తెలుగు మీడియాకి. అంతర్జాతీయ మహిళా దినోత్సవం అంటే, కేసీయార్ కుమార్తె కవితా(Kavitha) దినోత్సవంగా ఆ సెక్షన్ మీడియా మార్చేసుకుందేమో.!
ఢిల్లీ లిక్కర్ స్కామ్‌కి సంబంధించి ‘గులాబీ బాస్’ కేసీయార్ కుమార్తె కల్వకుంట్ల కవితకు ఎన్‌ఫోర్స్‌మెంట్ డైరెక్టరేట్ నోటీసులు జారీ చేసింది. ఈడీ యెదుట ఎమ్మెల్సీ కవిత హాజరు కానున్నారు. ‘తెలంగాణ తలవంచదు’ అంటూ సుదీర్ఘమైన నోట్‌ని ట్వీటేశారు కవిత సోషల్ మీడియా వేదికగా ‘ఈడీ’ వ్యవహారంపై.!
కవితకి ఈడీ నోటీసులు జారీ చేస్తే, తెలంగాణ ఎందుకు తల వంచుతుంది.? ఈ ప్రశ్న సహజంగానే తెరపైకొచ్చింది. అక్కడికేదో భూమి బద్దలైపోయినట్టుగా తెలుగు మీడియా మొత్తం.. నిన్నంతా కవిత జపంలోనే మునిగి తేలింది. జస్ట్ ఈడీ నోటీసులు మాత్రమే కదా.? అరెస్టు జరిగిపోలేదు కదా.?
అయినా, ఈ రోజుల్లో రాజకీయ నాయకులు అరెస్టవడం పెద్ద విషయమా.? ఈ విషయాన్ని కవిత పలు సందర్భాల్లో చెప్పారు. ‘ఏముంది, అరెస్టయితే జైలుకు వెళతా.? అంతకు మించి ఏం జరుగుతుంది.?’ అని ఆమె కూడా లైట్ తీసుకున్నారు.
దేశంలో రాజకీయ నాయకులు.. అందునా ప్రజా ప్రతినిథుల లిస్టు తీస్తే.. కేసులు లేనోళ్ళంటూ దాదాపుగా కనిపించరు. ఎక్కువ కేసులున్నోళ్ళు ఉన్నత పదవుల్లో వున్నారన్న విషయాన్ని ఎలా విస్మరించగలం.? ఇంకెందుకు కేసులంటే భయం.? చాలా ప్రజాసమస్యలున్నాయ్.. అవేవీ మీడియాకి పట్టడంలేదు. రాజకీయ నాయకులు, కేసులు, అరెస్టులు.. ఇదే తంతు.
మొత్తంగా చూస్తే, హోళీ పర్వదినాన.. అంతర్జాతీయ మహిళా దినోత్సవాన.. తెలుగు మీడియాకి తెగులు పట్టేసి.. కవిత జపంలో మునిగి తేలింది. దేనికోసమిదంతా.?
575689 365059Oh my goodness! a amazing post dude. Thanks Nevertheless My business is experiencing problem with ur rss . Dont know why Not able to sign up for it. Possibly there is any person obtaining identical rss difficulty? Anyone who knows kindly respond. Thnkx 729494