Janhvi Kapoor : అతిలోక సుందరి శ్రీదేవి నట వారసురాలు జాన్వీ కపూర్ ఇప్పటికే బాలీవుడ్ లో ఎంట్రీ ఇచ్చింది. అక్కడ గత కొంత కాలంగా సినిమాలు చేస్తున్న జాన్వీ కి సక్సెస్ లు ఆశించిన స్థాయిలో సక్సెస్ లు దక్కలేదు. ఇప్పటి వరకు జాన్వీ కి కమర్షియల్ బ్రేక్ దక్కలేదని చెప్పాలి.
జాన్వీ కపూర్ మొదటి కమర్షియల్ హిట్ ను ఎన్టీఆర్ తో నటిస్తున్న ‘దేవర’ తో దక్కించుకునే అవకాశాలు ఉన్నాయి. కొరటాల శివ దర్శకత్వంలో రూపొందుతున్న దేవర సినిమాలో జాన్వీ కపూర్ నటిస్తూ టాలీవుడ్ కి ఎంట్రీ ఇవ్వబోతుంది.
జాన్వీ కపూర్ ఇటీవలే రామ్ చరణ్ కి జోడీగా బుచ్చిబాబు దర్శకత్వంలో రూపొందబోతున్న సినిమాలో నటించబోతున్నట్లుగా అధికారిక ప్రకటన వచ్చింది. ఈ రెండు సినిమాలు కాకుండా మరో తెలుగు సినిమాలో కూడా జాన్వీ కపూర్ కనిపించబోతుందట.
విశ్వసనీయంగా అందుతున్న సమాచారం ప్రకారం అల్లు అర్జున్, సుకుమార్ కాంబోలో రూపొందుతున్న పుష్ప 2 లో జాన్వీ కపూర్ తో ఐటం సాంగ్ ను చేయించేందుకు ప్రయత్నాలు జరుగుతున్నాయట. మైత్రి మూవీ మేకర్స్ వారు సాలిడ్ అమౌంట్ ను జాన్వీకి ఆఫర్ చేశారని, ఆమె ఓకే చెప్పే అవకాశాలు ఉన్నాయని తెలుస్తోంది. పూర్తి వివరాలు త్వరలో వెళ్లడయ్యే అవకాశం ఉంది.