జనసేనాని పవన్ కళ్యాణ్ ర్యాగింగ్: వైఎస్ జగన్ సమాధానమివ్వగలరా.?

అధికారిక వేదికలెక్కి ఏవేవో అడ్డగోలు ఆరోపణలు చేయడం కాదు. నిఖార్సయిన ప్రశ్నకు, అంతే నిఖార్సుగా సమాధానం చెప్పగలగాలి. లేకపోతే, ముఖ్యమంత్రి పదవికే అది మచ్చ.! ఇదీ జనంలో ముఖ్యమంత్రి వైఎస్ జగన్ మోహన్ రెడ్డి విషయమై జరుగుతున్న చర్చ.

జనసేన అధినేత పవన్ కళ్యాణ్, ఒక్క ట్వీటేస్తే చాలు.. అధికార వైసీపీకి వెన్నులో వణుకు మొదలవుతుంది. తాజాగా, జనసేనాని వేసిన ట్వీట్ కూడా అలాంటిదే. ముఖ్యమంత్రి వైఎస్ జగన్ మోహన్ రెడ్డి సహా, వైసీపీలో ఎవరూ సమాధానం చెప్పలేని రీతిలో జనసేనాని ట్వీటాస్త్రం సంధించారు.

ఎక్కడా అభ్యంతరకర పదాలు లేవు. సామాన్యులకు అర్థమయ్యే భాషలోనే సుతిమెత్తగా ప్రశ్నించారు జనసేనాని. ‘సంపూర్ణ మద్య నిషేధం అమలు చేస్తాం.. కాదు కాదు, సంపూర్ణంగా మద్యం మీదే ఆదాయం సంపాదిస్తాం.. చిన్న గమనిక: సారా బట్టీలు, బ్రాందీ డిస్టిలరీలు కూడా వారివే. అ అదనపు వేల కోట్ల ఆదాయం కూడా వారికే..’ అంటూ జనసేనాని ట్వీటాస్త్రం సంధించారు.

అక్కడితో ఆగలేదు, ‘సామెతలు 12:12 అబద్ధమాడు పెదవులు యెహోవాకు హేయములు.. సత్యవర్తనులు ఆయనకిష్టులు..’ అంటూ బైబిల్‌లో పేర్కన్న మంచి మాటని కూడా ప్రస్తావించారు జనసేనాని పవన్ కళ్యాణ్.

‘సంపూర్ణ మద్యపాన నిషేదం అనగా మద్యం ఆదాయం 9 వేల కోట్ల రూపాయల నుంచి 22 వేల కోట్ల రూపాయలకు పెంచుట.. ఆ రాబడి చూపించి 8 వేల కోట్ల బాండ్లు బజార్లో అమ్ముట.. ఇదీ స్పిరిటెడ్ విజనరీ వైఎస్ జగన్ గారి మేనిఫెస్టో అమలు.. అంటూ జనసేన నేత నాదెండ్ల మనోహర్ సంధించిన ట్వీటుని ప్రస్తావిస్తూ, యెహోవా చెప్పిన మంచి మాటల్ని కోట్ చేస్తూ, వైసీపీకి చురకలంటించారు జనసేనాని.

ఓ ఆంగ్ల దిన పత్రికలో, రాష్ట్రంలో మద్యాన్ని ప్రభుత్వమెలా ఆదాయ వనరుగా చూస్తోందన్న విషయమై వచ్చిన కథనాన్ని ఆధారంగా చేసుకుని, జనసేన పార్టీ అధికార వైసీపీని ప్రశ్నిస్తోంది. ఈ ప్రశ్నకు సమాధానం వైసీపీ అధినేత, ముఖ్యమంత్రి వైఎస్ జగన్ చెబుతారా.? అడ్డగోలు విమర్శలతో సరిపెడతారా.?

సంపూర్ణ మద్య నిషేధం అమలు చేస్తాం ‘కాదు కాదు’ సంపూర్ణంగా మద్యం మీదే ఆదాయం సంపాదిస్తాం
చిన్న గమనిక: సారా బట్టీలు,బ్రాందీ డిస్టిలరీలు కూడా వారివే. ఆ అదనపు వేల కోట్ల ఆదాయం కూడా వారికే..

సామెతలు 12:22
అబద్దమాడు పెదవులు యెహోవాకు హేయములు సత్యవర్తనులు ఆయనకిష్టులు https://t.co/cthy29YWc5

— Pawan Kalyan (@PawanKalyan) June 12, 2022