యువజన శ్రామిక రైతు కాంగ్రెస్ పార్టీకి ఆ పార్టీ గౌరవాధ్యక్షురాలిగా ఇప్పటివరకూ పని చేసిన వైఎస్ విజయమ్మ రాజీనామా చేశారు. తన కుమార్తెకి తెలంగాణలో అండగా వుండేందుకే, తాను ఈ నిర్ణయం తీసుకున్నట్లు ప్లీనరీ వేదికగా వైఎస్ విజయమ్మ చెప్పడమే కాదు, ‘క్షమాపణ’ కూడా కోరారు.
వైఎస్ విజయమ్మ ‘క్షమాపణ’ చెప్పేంత నేరం ఏం చేశారబ్బా.? అనే డౌటానుమానం మీకొస్తే, అది మీ తప్పు కానే కాదు. తన కుమార్తె తెలంగాణలో ఒంటరిగా కష్టపడుతోందంటూ వాపోయారు వైఎస్ విజయమ్మ. అంతలా వైఎస్ షర్మిల ఎందుకు కష్టపడాలి.?
వైఎస్ విజయమ్మ మీద శాసనసభ సాక్షిగా ఎగతాళి చేసిన ఒకప్పటి కాంగ్రెస్ నేత బొత్స సత్యనారాయణ, ఇప్పుడు వైసీపీలో కీలక నేత. ఇలాంటోళ్ళు వైసీపీలో చాలామందే వున్నారు. కానీ, వైసీపీ గౌరవాధ్యక్షురాలు మాత్రం, పార్టీకి దూరమయ్యారు. పైగా, క్షమాపణ కూడా చెప్పారు. వైసీపీలో ఎవరికి ప్రాధాన్యత దక్కుతోంది.? ఎవరికి విలువ తగ్గిపోతోంది.? అన్నదానిపై ఇంతకన్నా స్పష్టత ఇంకేం కావాలి.?
నిజానికి, వైఎస్ షర్మిల పెద్దగా కష్టపడాల్సిన పనిలేదు. రాజ్యసభకు షర్మిలను పంపే అవకాశం వైఎస్ జగన్ మోహన్ రెడ్డికి వుంది. తెలంగాణకు చెందిన ఇద్దర్ని వైసీపీ, రాజ్యసభకు పంపింది. అసలు తెలుగు రాజకీయాలతో సంబంధం లేని మరొకర్ని కూడా గతంలోనే రాజ్యసభకు పంపింది వైసీపీ. అలాంటప్పుడు, తెలంగాణ కోటాలోనో, మరో కోటాలోనో షర్మిలను రాజ్యసభకు వైఎస్ జగన్ ఎందుకు పంపలేదు.?
‘మా కుటుంబం కష్టపడుతోంది.. మమ్మల్ని ఎవరో కష్టపెడుతున్నారు..’ అంటూ నిత్యం ఏదో ఒక నిందారోపణ ఎవరో ఒకరి మీద చేసేసి, రాజకీయంగా పబ్బం గడుపుకోవడమే పనిగా పెట్టుకుంది వైఎస్ కుటుంబం.. అనే విమర్శలు వైసీపీ మీద వస్తున్నది ఇందుకే.
చిత్రమేంటంటే, కుమార్తె షర్మిల కోసం వైఎస్ విజయమ్మ ఇంత పెద్ద త్యాగం (?!) చేసేస్తే, షర్మిల మాత్రం, ‘ఎక్కడో ఏదో జరిగితే, దానికి నేను స్పందించడమేంటి.?’ అంటూ విజయమ్మ రాజీనామాపై లైట్ తీసుకోవడం గమనార్హం.
ఇటు వైసీపీలో గౌరవాధ్యక్ష పదవి పోయి, అటు తన గురించి తన కుమార్తె సైతం మాట్లాడలేని పరిస్థితి రావడమంటే.. ఇది విజయమ్మకి డబుల్ షాక్ అనుకోవాలా.? నిఖార్సయిన వెన్నుపోటు అనుకోవాలా.? ఇవేవీ కాదు, ఇది కూడా సింపతీ రాజకీయం అనుకోవాలా.?
957208 85997An intriguing discussion is price comment. I think which you must write extra on this subject, it may not be a taboo topic but usually individuals are not enough to talk on such topics. Towards the next. Cheers 62865