ఓ దొంగ.. ఓ క్రిమినల్.. ఓ గ్యాంగ్స్టర్.. డీఎస్పీ స్థాయి పోలీస్ అధికారితోపాటు ఎనిమిది మంది పోలీసుల్ని చంపేస్థాయికి ఎదిగాడంటే అది ‘రాజకీయ అండదండలు’ లేకుండా సాధ్యం కాదు. వికాస్ దూబే.. పరిచయం అక్కర్లేని పేరిది ఇప్పుడు. ఎందుకంటే, ఉత్తరప్రదేశ్లో వికాస్ దూబే సృష్టించిన మారణకాండ దేశవ్యాప్తంగా కలకలం సృష్టించింది. వికాస్ దూబేని అరెస్ట్ చేయడానికి వెళ్ళిన పోలీసులపై, అతని గ్యాంగ్ మారణహోమానికి దిగింది. ఈ క్రమంలో 8 మంది పోలీసులు ప్రాణాలు కోల్పోయారు. పెట్రోల్ పోసి, పోలీసుల మృతదేహాల్ని తగలబెట్టేయాలనుకున్నారట. కానీ, కుదరలేదు.
ఈ కేసులో ఇప్పటికే వికాస్ అనుచరులు కొందర్ని ఎన్కౌంటర్ చేసిన పోలీసులు, తాజాగా వికాస్ దూబేని కూడా ఎన్కౌంటర్లో చంపేశారు. నిన్ననే పోలీసులకు చిక్కిన వికాస్ దూబే, కొన్ని సంచలన విషయాలు బయటపెట్టాడు. ‘నాకు పోలీసుల నుంచే సమాచారం వచ్చింది. ఈ క్రమంలోనే అలర్ట్ అయ్యాను. పోలీసులు నన్ను అరెస్ట్ చేస్తారన్న భయంతో ముందస్తుగానే వారిపై దాడి చేశాం. వారి మృతదేహాల్ని తగలబెట్టేయాలనుకున్నాం..’ అని చెప్పాడు వికాస్ దూబే.
పోలీసులకు చిక్కిన వికాస్ దూబేని తరలిస్తుండగా, వాహనం బోల్తా పడిందట.. వికాస్ దూబే తప్పించుకుని పారిపోయేందుకు ప్రయత్నించాడట. ఈ క్రమంలో పోలీసుల నుంచి గన్ లాక్కుని పోలీసులపైకే ఎక్కుపెట్టాడట. దాంతో, వేరే దారి లేక పోలీసులు కాల్పులు జరిపినితే, ఆ కాల్పుల్లో వికాస్ దూబే చచ్చిపోయాడట. ఇదీ పోలీసులు చెబుతున్న మాట. కానీ, తెరవెనుక వేరే కథ వుందన్న ఆరోపణలు వెల్లువెత్తుతున్నాయి.
పోలీసు శాఖలో పేరుకుపోయిన అవినీతి, అక్రమాలు.. ఆ పోలీసు వ్యవస్థలో కొందరికి రాజకీయ అండదండలు వెరసి, వికాస్ దూబే కరడుగట్టిన నేరస్తుడిలా తయారయ్యేందుకు సహకరించాయనీ, తీగ లాగితే డొంక కదులుతుందన్న కోణంలో ‘మాస్టర్ ప్లాన్’ రచించి, వికాస్ దూబేని ఎన్కౌంటర్ చేసి, ‘సత్యాన్ని సమాధి’ చేశారనీ ఆరోపణలు వెల్లువెత్తుతున్నాయి. అయినా, ఎన్కౌంటర్ కథలు కొత్తేమీ కాదు. చాలా చాలానే చూశాం. అన్నిట్లోనూ ట్విస్ట్లు ఇలానే వుంటాయి. నిజంగానే ఎన్కౌంటర్ జరిగినా అది ఫేక్ ఎన్కౌంటర్ అనడం.. ఫేక్ ఎన్కౌంటర్ని నిజమైన ఎన్కౌంటర్గా నిరూపించే ప్రయత్నం చేయడం.. ఇవన్నీ సర్వసాధారణమే.
756654 241674This web site is usually a walk-through you discover the details it suited you about this and didnt know who need to have to. Glimpse here, and you will undoubtedly discover it. 429088
317958 542592I dugg some of you post as I thought they were handy quite useful 567149