విశాఖ వాసుల్ని బెంబేలెత్తించిన దట్టమైన పొగలు

12 మంది ప్రాణాలు బలిగొన్న ఎల్జీ పాలిమర్స్ ఘటన మరవక ముందే మరో ఘటన విశాఖ ప్రజల్ని భయాందోళనలకు గురి చేసింది. కొద్దిసేపటి క్రితం విశాఖ, మల్కాపురంలోని HPCL రిఫైనరీ నుంచి దట్టమైన పొగలు భారీగా ఎగసిపడ్డాయి. ఈ తెల్లని పొగలు చుట్టూ పక్కల గ్రామాల్లోని ప్రజలని బెంబేలెత్తిపోయేలా చేయడంతో అందరూ ఇళ్ల నుంచి బయటకి పరిగెత్తారు. కాసేపటికి ఆ దట్టమైన పొగలు అదుపులోకి వచ్చాయి. ఈ ఘటనపై HPCL ప్రతినిధులు స్పందించారు.

క్రూడ్ ఆయిల్ ని శుద్ధి చేసే యూనిట్ లో వ్యర్ధాలు ఎక్కువగా పేరుకుపోయాయని, దాన్ని తొలగించే టైంలో ఉష్ణోగ్రతలు కూడా భారీ గా పెరగడంతో దట్టమైన పొగలు అలుముకున్నాయి. వెంటనే అప్రమత్తమై కంట్రోల్లోకి తెచ్చాము. ఈ పొగ వల్ల మనుషులకి ఎలాంటి హాని లేదని, ప్రజలు ఆందోళన చెందాల్సిన అవసరం లేదని HPCL ప్రతినిధులు తెలిపారు. అక్కడి వాసులని భయాందోళనలకు గురి చేసిన ఈ ఘటన వలన ఎలాంటి ప్రాణ నష్టం, అనారోగ్య పరిస్థితి దెబ్బతినకపోవడంతో 2 గంటల్లో అంతా సెట్ అయిపోయింది.