Suhas : కలర్‌ ఫొటో సినిమాతో హీరోగా మంచి పేరు సొంతం చేసుకున్న సుహాస్ బ్యాక్ టు బ్యాక్ సినిమాలతో హీరోగా మరింత స్ట్రాంగ్‌ అవుతున్నాడు. ఇటీవలే అంబాజీపేట మ్యారెజీ బ్యాండ్‌ సినిమాతో ప్రేక్షకుల ముందుకు వచ్చిన సుహాస్ త్వరలో ‘ప్రసన్నవదనం’ సినిమాతో ప్రేక్షకుల ముందుకు రాబోతున్నాడు.
ప్రసన్నవదనం సినిమా టీజర్ ను నేడు ప్రేక్షకుల ముందుకు తీసుకు వచ్చాడు. ఆ టీజర్ విడుదల కార్యక్రమంలో భాగంగా సుహాస్ మీడియాతో చిట్ చాట్‌ చేశాడు. మీడియా వారి ప్రశ్నలకు సుహాస్ సమాధానం ఇచ్చాడు. ఆ సమయంలోనే పారితోషికం విషయంలో క్లారిటీ ఇచ్చాడు.
మూడు వేల నుంచి మూడు కోట్ల పారితోషికం అందుకునే స్థాయికి సుహాస్ చేరుకున్నాడు అంటున్నారు… అందులో నిజం ఎంత అంటూ సుహాస్ ను జర్నలిస్ట్‌ ప్రశ్నించాడు. అందుకు సుహాస్ స్పందిస్తూ… నేను బతకాలి కదా సర్‌. జూనియర్ ఆర్టిస్టు స్థాయి నుంచి ఈ స్థాయికి వచ్చాను. అప్పట్లో రోజుకు వంద రూపాయలు తీసుకునే వాడిని. అప్పటికి ఇప్పటికి మార్పు రావాలి కదా.. మీరు అనుకున్నంత మార్పు అయితే రాలేదు అండీ అంటూ మూడు కోట్ల పారితోషికం విషయంను సున్నితంగా ఖండించాడు.