చెల్లిపై అత్యాచార యత్నం చేసిన వాడి చేయి నరికిన 16 ఏళ్ల బాలిక

చిత్తూరు జిల్లా రామసముద్రం మండలం తిరుమల రెడ్డి పల్లెలో జరిగిన సంఘటన స్థానికంగా చర్చనీయాంశం అయ్యింది. 16 ఏళ్ల బాలిక తన సోదరిపై ఒకడు అత్యాచారంకు ప్రయత్నిస్తున్న సమయంలో తన చేతిలో ఉన్న కొడవలితో ఏకంగా వాడి చేయి నరికింది. వాడి చేయి నరికి చెల్లిని కాపాడుకుంది. ఆమె చేసిన పనికి ప్రతి ఒక్కరు కూడా అభినందిస్తున్నారు. అలాంటి కీచకులకు బుద్ది చెప్పేందుకు రక్త పాతం తప్పదంటూ ఆమెను సమర్థిస్తున్న వారు అంటున్నారు.

పూర్తి వివరాల్లోకి వెళ్తే.. అక్కా చెల్లెల్లు అడ్డకొండ ప్రాంతానికి మేకలను తీసుకుని మేత కోసం వెళ్లారు. అక్కడ వారు మేకలను మేపుతున్న సమయంలో శంకరప్ప అనే 40 ఏళ్ల మృగాడు బాలికను చెట్ల పొదల్లోకి లాకెల్లేందుకు ప్రయత్నించాడట. చెల్లిని లాక్కెలుతుండటంతో అక్క అతడిని బతిమిలాడింది. వేడుకుంది అయినా వాడు చిన్న పిల్లను లాక్కెలేందుకు ప్రయత్నించాడు.

దాంతో తన చేతిలో ఉన్న కొడవలితో ఒక్క వేటు వేసింది. దాంతో అతడు ఆ బాలికను వదిలేశాడు. అక్కడ నుండి అక్క చెల్లెల్లు బయట పడ్డారు. బాలికల తండ్రి పోలీసులకు ఫిర్యాదు చేయడంతో కేసు నమోదు చేసిన పోలీసులు ఎంక్వౌరీ చేస్తున్నారు. శంకరప్పను అదుపులోకి తీసుకుని ప్రశ్నిస్తున్నారు.