చిత్రం, జయం వంటి పలు టీనేజ్ లవ్ స్టోరీ చిత్రాలను తెరకెక్కించి ఒకప్పుడు స్టార్ ఫిల్మ్ మేకర్గా, స్టార్స్ మేకర్గా పేరు దక్కించుకున్న తేజ మద్యలో కాస్త ఇబ్బందులు ఎదుర్కొన్నాడు. ఆయన చేసిన సినిమాలన్నీ కూడా నిరాశ పర్చుతూనే వచ్చాయి. ఎట్టకేలకు మళ్లీ నేనే రాజు నేనే మంత్రి చిత్రంతో సక్సెస్ ట్రాక్ ఎక్కాడు. ఈమద్య కాలంలో దర్శకులు ఒక సమయంలో ఒకే సినిమాను చేస్తున్నారు. కాని తేజ మాత్రం ఒకే సారి రెండు సినిమాలు చేసేందుకు సిద్దం అయ్యాడు.
నేడు తేజ బర్త్డే సందర్బంగా ఆయన దర్శకత్వంలో త్వరలో రాబోతున్న రెండు సినిమాలకు సంబంధించిన టైటిల్స్ను అనౌన్స్ చేశారు. అలిమేలు మంగ వెంకట రమణ మరియు రాక్షస రాజు రావణాసురుడు. ఈ రెండు సినిమాలను గోపీచంద్ మరియు రానాలతో తెరకెక్కించబోతున్నాడు. ఈ రెండు సినిమాల్లో ఏది మొదట తెరకెక్కబోతుంది అలాగే ఈ రెండు టైటిల్స్ ఏ హీరోకు ఏది అనేది కూడా క్లారిటీ ఇవ్వలేదు. సస్పెన్స్ తో సినిమాలు పూర్తి అయ్యే వరకు ఉంచుతారేమో.
ఇండస్ట్రీలో వినిపిస్తున్న టాక్ మేరకు రాక్షస రాజు రావణాసురుడు సినిమాను రానాతో ఇక అలిమేలు మంగ వెంకట రమణ సినిమాను గోపీచంద్ తో తెరకెక్కించే అవకాశం ఉందట. ఈ రెండు సినిమాలు కూడా ఇదే ఏడాదిలో విడుదల చేయాలని తేజ ప్రయత్నాలు చేస్తున్నాడు. రెండు సినిమాలను కూడా రెండు మూడు నెలల గ్యాప్లోనే విడుదల చేసే అవకాశాలున్నాయి.
12897 592625Thank you for your fantastic post! It has long been quite insightful. I hope that you will continue sharing your wisdom with us. 973782