టాలీవుడ్ రౌడీ హీరో విజయ్ దేవరకొండ నటిస్తున్న తాజా చిత్రం డియర్ కామ్రేడ్. భరత్ కమ్మ దర్శకత్వంలో తెరకెక్కుతున్న ఈ సినిమా ఇప్పటికే టాలీవుడ్ ట్రేడ్ వర్గాల్లో ఆసక్తి క్రియేట్ చేసింది. ఈ మద్యే విడుదలైన టీజర్ భారీ వ్యూస్ సాధించి మరోసారి విజయ్ దేవరకొండ క్రేజ్ ని తెలిపింది. అర్జున్ రెడ్డి తో సంచలన హీరోగా మారిన విజయ్ దేవరకొండ నటిస్తున్న ఈ సినిమా అటు సౌత్ ప్రేక్షకుల్లో కూడా ఆసక్తిని నిలిపింది. ఎందుకంటే ఈ మధ్య మన రౌడీ హీరో తెలుగుతో పాటు తమిళ, మలయాళ భాషలపై ఫోకస్ పెట్టాడు. ఇప్పటికే రెండు సినిమాలను తెలుగు, తమిళ భాషల్లో చేస్తున్నాడు.
ఇక డియర్ కామ్రేడ్ సినిమా అటు ప్రేక్షకుల్లో కూడా భారీ అంచనాలు రేకెత్తిస్తుంది. స్టూడెంట్ సమస్యల నేపథ్యంలో ఈ సినిమా ఉంటుందని, ప్రముఖ నిర్మాణ సంస్థ మైత్రి మూవీస్ భారీగానే నిర్మిస్తుంది. విజయ్ సరసన రష్మిక మందన్న హీరోయిన్ గా నటిస్తున్న ఈ సినిమా విడుదల మరో రెండు వారాలకు వెనక్కు వెళ్లినట్టు వార్తలు వస్తున్నాయి. ఈ చిత్రాన్నీ ముందుగా మే 31 న విడుదల చేయాలనీ ప్లాన్ చేసారు. కానీ సినిమా విషయంలో ఇంకా చాలా వర్క్ మిగిలి ఉండడంతో విడుదల వాయిదా వెనక్కి వెళ్లిందని, అదికూడా జూన్ రెండో వారంలో విడుదల అయ్యే అవకాశం ఉన్నట్టు తెలిసింది.
విజయ్ దేవరకొండ ఈ సినిమాతో పాటు క్రాంతి మాధవ్ దర్శకత్వంలో మరో సినిమా చేస్తున్నాడు. వాటితో పాటలు మరో రెండు సినిమాలకు గ్రీన్ సిగ్నల్ ఇచ్చేసాడు. వరుస సినిమాలతో టాలీవుడ్ లో ఎనలేని క్రేజ్ తెచ్చుకున్న మన రౌడీ హీరో అటు బాలీవుడ్ లోకూడా ఎంట్రీ ఇచ్చే అవకాశాలు ఉన్నాయి. మొత్తానికి మన రౌడీ హీరో ఫోకస్ ఇప్పుడు ఒక్క టాలీవుడ్ పైనే కాదు తమిళ, కన్నడ, మలయాళం, హిందీ భాషలపై పడడం నిజంగా మంచి పరిణామమే.