విజయవాడలో కృష్ణా కరకట్టపై నిర్మించిన భవనాలపై వివరణ ఇవ్వాలంటూ సీఆర్డీఏ అధికారులు ఇచ్చిన గడువు ముగిసింది. ఇందుకు సంబంధించి సంతృప్తికరమైన వివరణ ఇవ్వకుంటే కూల్చివేత తప్పదంటూ అధికారులు నోటీసుల్లో పేర్కొనడంతో ఇప్పుడు ఏం జరగబోతోందో అనే అంశంపై సర్వత్రా ఆసక్తి నెలకొంది. నదీపరీవాహక పరిరక్షణ చట్టం నిబంధనలను ఉల్లంఘించి కరకట్టపై అక్రమంగా నిర్మించారంటూ మొత్తం 21 భవనాలకు చెందిన యజమానులకు సీఆర్డీఏ అధికారులు నోటీసులు జారీచేశారు.
వారం రోజుల్లో వివరణ ఇవ్వని పక్షంలో తదుపరి తాము తీసుకునే చర్యలకు కట్టుబడి ఉండాల్సిందని పేర్కొన్నారు. ఈ నేపథ్యంలో 11 మంది భవన యజమానులు మాత్రమే ఆ నోటీసులపై స్పందించగా.. మిగిలినవారు కోర్టును ఆశ్రయించారు. మాజీ సీఎం చంద్రబాబు నివాసం ఉంటున్న లింగమనేని ఎస్టేట్స్ యజమాని లింగమనేని రమేష్ ఎట్టకేలకు ఆ నోటీసులపై స్పందించారు. అసలు తనకు నోటీసులు జారీచేసిన అధికారికి ఆ అధికారమే లేదని పేర్కొన్నారు. తమ భవనం అక్రమంగా నిర్మించింది కాదని, కృష్ణా నదికి 50 మీటర్ల అవతలే ఉందని అందులో వివరించారు.
కేవలం సేవాభావంతోనే తన ఇంటిని చంద్రబాబుకు అద్దెకు ఇచ్చినట్టు తెలిపారు. తన భవనానికి పంచాయతీ అనుమతి ఇచ్చిందని, వ్యక్తిగతంగా కలిసే అవకాశం ఇస్తే, భవనానికి సంబంధించిన అన్ని పత్రాలూ చూపిస్తానని పేర్కొన్నారు. అంతేకాకుండా నోటీసుల్లో తన పేరును తప్పుగా రాశారని వివరించారు. అయితే, ఈ నోటీసుల్లో ఆయన ఇచ్చిన వివరణ పట్ల సంతృప్తి చెందని అధికారులు.. తదుపరి తీసుకోవాల్సిన చర్యలపై దృష్టి సారించారు. ఈ అంశంపై ఉన్నతాధికారుల ఆదేశాలకు అనుగుణంగా ముందుకు వెళ్లనున్నారు.
కరకట్టపై అక్రమ నిర్మాణాల విషయంలో చాలా సీరియస్ గా ఉన్న జగన్ సర్కారు.. ఈ విషయంలో దూకుడుగానే వెళ్లే అవకాశం ఉందని చెబుతున్నారు. చంద్రబాబు నివాసమే లక్ష్యంగా సాగుతున్న ఈ ప్రక్రియలో సీఎం జగన్ వెనక్కి తగ్గే అవకాశమే ఉండదని పేర్కొంటున్నారు. మొత్తమ్మీద నోటీసుల గడువు ముగిసిన నేపథ్యంలో కూల్చివేత షూరూ చేస్తారా లేక న్యాయపరమైన వివాదాలు తలెత్తకుండా చూసుకునే క్రమంలో మరికొన్ని రోజులు వేచిచూస్తారా అనే అంశంపై చర్చ జరుగుతోంది. ఇప్పటికే ప్రజావేదిక కూల్చివేతపై భిన్నాభిప్రాయాలు రావడంతో ఈ విషయంలో జగన్ కాస్త ఆచితూచి వ్యవహరించే అవకాశం ఉందని తెలుస్తోంది.
505240 660654Thank you for every other informative website. Where else could I get that type of information written in such a perfect means? Ive a mission that Im just now operating on, and Ive been at the appear out for such info. 540878
553475 898716I just could not go away your site before suggesting that I really enjoyed the usual info a person supply to your guests? Is going to be back ceaselessly in order to inspect new posts. 109961
135751 272667I like this post, enjoyed this 1 appreciate it for putting up. 383791