కరోనా వైరస్ విషయంలో వైఎస్ జగన్ ప్రభుత్వం అత్యద్భుతంగా పనిచేసేస్తోందట. ‘బ్లూ మీడియా’ ఇస్తోన్న కితాబులు, అధికార పార్టీ నేతలు చేస్తున్న పబ్లిసిటీ స్టంట్స్.. వెరసి ప్రజలకు గ్రౌండ్ రియాల్టీ అర్థం కావడంలేదని ఎవరైనా భావిస్తే అంతకన్నా హాస్యాస్పదం ఇంకోటి లేదు. తెలంగాణతో పోల్చితే, వైద్య రంగం పరంగా సౌకర్యాలు తక్కువే వున్నా, ఆంధ్రప్రదేశ్లో కరోనా టెస్టులు అత్యధిక సంఖ్యలో జరుగుతుండడాన్ని అభినందించి తీరాల్సిందే. అయితే, టెస్టులు చేస్తే కరోనా నియంత్రించగలం.. అనుకోవడం మూర్ఖత్వమే అవుతుంది. రోజురోజుకీ సరికొత్త రికార్డులంటూ టెస్టుల చుట్టూనే అధికార పక్షం ప్రచారం చేసుకుంటోంది. కానీ, గ్రౌండ్ రియాల్టీ వేరు.
గడచిన కొద్ది రోజులుగా ఆంధ్రప్రదేశ్లో సగటున 10 వేల కరోనా పాజిటివ్ కేసులు ప్రతిరోజూ నమోదవుతున్నాయి. దేశంలో మహారాష్ట్ర తర్వాత ఈ మ్యాజిక్ మార్క్ చేరుకున్న రెండో రాష్ట్రం ఆంధ్రప్రదేశ్ మాత్రమే కావడం గమనార్హం. ఉత్తరప్రదేశ్లో రికార్డు స్థాయిలో కరోనా టెస్టులు జరుగుతున్నాయి. తమిళనాడు సంగతి సరే సరి. కర్నాటకలోనూ రికార్డు స్థాయిలోనే టెస్టులు జరుగుతున్నాయి. మహారాష్ట్ర కూడా ముందంజలోనే వుంది. కానీ, ఆ రాష్ట్రాలేవీ టెస్టుల విషయంలో పబ్లిసిటీ స్టంట్లు చేయడంలేదు.. ఒక్క ఆంధ్రప్రదేశ్ తప్ప. ఎందుకిలా.? టెస్టులు చేస్తే కరోనా అదుపులోకి వస్తుందా.? ఇదెక్కడి వైపరీత్యం.? పైగా, అధికార పార్టీ నేతలు కరోనా రాగానే ఎంచక్కా హైద్రాబాద్కి పారిపోతున్నారు. దేశంలో దాదాపుగా ఏ రాష్ట్రంలోనూ ఈ పరిస్థితి లేదు. అధికార పార్టీ నేతలకు తమ సొంత రాష్ట్రంలో వైద్య సౌకర్యాలపై అంత అనుమానమా.? అన్న చర్చ ప్రజల్లో జరగకుండా ఎలా వుంటుంది.? ఈ లెక్కన, ప్రజలకు ధైర్యం ఎలా వస్తుంది.?
అందుకే, కరోనా సోకిందని తెలియగానే.. వీలైతే పొరుగు రాష్ట్రాలకు వెళ్ళిపోదామన్న భావనలో ఓ మోస్తరు అవకాశమున్న ప్రజలు ఆలోచిస్తున్నారు. ఇది రాష్ట్ర పరువ ప్రతిష్టలకు సంబంధించిన విషయం. కరోనా పాజిటివ్ కేసులు ఎక్కువగా నమోదవడమే కాదు, గడచిన కొద్ది రోజులుగా కరోనా మరణాలు కూడా పెద్ద సంఖ్యలోనే సంభవిస్తున్నాయి. అయినా, ‘అత్యద్భుతంగా పనిచేసేస్తున్నాం..’ అని అధికార పార్టీ నేతలు ‘సొంత డప్పు’ కొట్టుకోవడం హాస్యాస్పదం కాక మరేమిటి.? ఇప్పటికే రాష్ట్రంలో కరోనా పాజిటివ్ కేసులు రెండు లక్షలు దాటేశాయి. మూడు లక్షల మార్క్ చేసుకోవడానికి జస్ట్ ఓ పది రోజుల కంటే ఎక్కువ పట్టే అవకాశమే లేదు. ఆ తర్వాతేంటి.? కరోనా నియంత్రణ మీద దృష్టిపెట్టకుండా, కేవలం టెస్టుల మీద ఫోకస్ పెట్టడంతోనే ఈ దుస్థితి.. అన్న విమర్శలు విపక్షాల నుంచి వెల్లువెత్తుతున్నాయి.
776965 891266extremely good publish, i certainly really like this internet site, carry on it 98855
527766 561255This internet website is my aspiration, really outstanding style and style and Perfect topic matter. 154313
271446 3380This website is my aspiration , really fantastic pattern and perfect articles . 686404
548648 620973Wohh exactly what I was searching for, regards for putting up. 202611