ఆంధ్రప్రదేశ్లో ఈ రోజు రికార్డు స్థాయిలో కరోనా పాజిటివ్ కేసులు నమోదయ్యాయి. అంతేనా, రికార్డు స్థాయిలో రికవరీలు కూడా జరిగాయి. ఇంకా వుంది.. రికార్డు స్థాయిలో టెస్టులు కూడా చేయగలిగారు. కథ అప్పుడే అయిపోలేదు.. రికార్డు స్థాయిలో ఈ రోజు మరణాలు కూడా సంభవించాయి.
6045 కరోనా పాజిటివ్ కేసులు ఈ రోజు ఆంధ్రప్రదేశ్లో నమోదు కాగా, విశాఖపట్నంలో కరోనా పాజిటివ్ కేసుల సంఖ్య తొలిసారి వెయ్యి మార్కు దాటడం కూడా రికార్డే. రికవరీల విషయానికొస్తే, కొత్త పాజిటివ్ కేసుల కంటే ఎక్కువగా.. ఇంతకు ముందెన్నడూ లేని విధంగా ఏకంగా 6494 మంది కరోనా నుంచి కోలుకోవడం చాలా చాలా గొప్ప విషయమే. అయితే, దురదృష్టకరం.. ఈ రోజు 62 మంది ప్రాణాలు కోల్పోయారు.
గత కొద్ది రోజులుగా రాష్ట్రంలో కరోనా మరణాల సంఖ్య చాలా చాలా వేగంగా పెరుగుతోంది. వెయ్యి మరణాల మార్క్ దాటేయడానికి బహుశా ఎక్కువ రోజులు పట్టకపోవచ్చు. ఇప్పటికే మరణాల సంఖ్య 828కి చేరుకుంది. ఒకే రోజులో మొత్తం 49,553 పరీక్షలు జరగడం కూడా ఓ రికార్డుగా చెప్పుకోవచ్చు. టెస్టులు ఎక్కువగా జరుగుతున్నాయి కాబట్టి, కేసులు ఎక్కువగా నమోదవుతున్నాయన్న ప్రభుత్వ వాదనని తప్పు పట్టలేం. కానీ, టెస్టుల పరంగా చూసుకుంటే ఇప్పటికే ఆంధ్రప్రదేశ్ చాలా యాక్టివ్గా వుంది. అయినా, కొత్తగా ఎందుకు ఎక్కువ కేసులు నమోదవుతున్నాయన్నది మిలియన్ డాలర్ల ప్రశ్న.
పైగా, విశాఖ కొద్ది రోజుల క్రితం 100 లోపు కేసులు నమోదవుతోంటే, ఇప్పుడు 1000కి పైగా కేసులు నమోదవడాన్ని ఎలా అర్థం చేసుకోవాలి.? అత్యల్పంగా, అత్యధికంగా కేసులు కొన్ని జిల్లాల్లో కేవలం రోజుల వ్యవధిలో నమోదవుతుండడం పలు అనుమానాలకు తావిస్తోంది. ‘కరోనా కట్టడిలో మనం మిగతా రాష్ట్రాల కన్నా ముందున్నాం..’ అని వైఎస్ జగన్ ప్రభుత్వం చెబుతోంది. కానీ, కేసులు పెరుగుతున్నాయి.. మరణాలూ పెరిగిపోతున్నాయి. కేసులు పెరిగినా, మరణాలు తగ్గించగలిగితే.. ప్రభుత్వ ప్రయత్నాలు సఫలమవుతున్నట్లు లెక్క. అధికార పార్టీకి చెందిన నేతలు కరోనా సోకితే వెంటనే హైద్రాబాద్కి తరలి వెళ్ళిపోతున్నారన్న ప్రచారం.. ప్రభుత్వ సమర్థతపై విపక్షాలు ప్రశ్నాస్త్రాలు సంధించడానికి ఆస్కారం కల్పిస్తోందన్నది నిర్వివాదాంశం.
#COVIDUpdates: #AndhraPradesh reports 6045 fresh #Covid_19 + ve cases & 65 deaths in the last 24 hours.6494 people discharged.
🔹Total:64713
🔹Discharged:32127
🔹Active:31763
🔹Dead:823#AndhraFightsCorona #Janasena #YSRCP #TDP #YSJagan #APFightsCorona #TDPTwitter pic.twitter.com/VKmzaKT7dZ— TeluguBulletin.com (@TeluguBulletin) July 22, 2020
53529 894635Some actually fascinating info , properly written and loosely user genial . 435829