సినిమాల్లో హీరో చూపించే హీరోయిజం, మేనరిజం, డ్యాన్సులు, ఫైట్లు, కామెడీ.. వారికి క్రేజ్ తీసుకొస్తుంది.. అభిమానులను సంపాదిస్తుంది.. ప్రేక్షకులకు దగ్గర చేస్తుంది. అయితే.. హీరో అంటే మాస్, క్లాస్, భావోద్వేగం, ఉత్తేజపరిచే పాత్రలు కూడా చేయాలి. ఇందుకు ప్రత్యేకంగా కొన్ని కథాంశాలు ఎంచుకోవాలి. అయితే.. వారికున్న క్రేజ్, ఇమేజ్ దృష్ట్యా కొన్ని కథలను చేయలేరు. ఇదే కోవలో చిరంజీవి అప్పటివరకూ తాను టచ్ చేయని ఓ ప్రయోగాత్మక కథను చేశారు. సమాజంపై ప్రభావం చూపి.. ప్రతి ఒక్కరిలో ఆలోచన రేకెత్తించే ఓ కథను చిరంజీవి చేసి సూపర్ హిట్ అందుకున్నారు. తన నటనతో ప్రేక్షకాభిమానులకు మరింత దగ్గరయ్యారు. ఆ సినిమా ‘అభిలాష’. హీరోయిజం లేకుండా కేవలం కథ, కథనంపై నడిచే సినిమా ఇది.
ప్రయోగాత్మక సినిమా..
న్యాయవాదిగా న్యాయవ్యవస్థను ప్రశ్నించే ఓ లాయర్ కథ. ‘ఉరిశిక్ష రద్దు చేయాలి.. మనిషికి జీవించే హక్కు ఉండాలి’ అనే అంశాన్ని కోర్టుకు వివరించే క్రమంలో.. తానే అనుకోకుండా కేసులో ఇరుక్కుని అదే ఉరిశిక్షకు గురవుతాడు. ఈక్రమంలో తాను అనుభవించే మానసిక వ్యధను లాయర్ చిరంజీవి పాత్రలో చిరంజీవి జీవించారు. సినిమాలో పాత్రలా కాకుండా చిరంజీవికే తర్వాత సన్నివేశంలో ఏమవుతుంది.. ఉరిశిక్ష పడుతుందా అనేంతలా ప్రేక్షకులు లీనమైపోయారు. కథ, కథనంలో ఉన్న పట్టును తెరపై చిరంజీవి చేసి చూపించారు. తన పాత్రలోని ఆవేశం, అనుకున్నది సాధించాలనే పట్టుదల, కొన్నిచోట్ల అమాయకత్వం.. కేసులో ఇరుక్కున్న తర్వాత నిస్సహాయ స్థితిలో చూపిన భావోద్వేగం ప్రేక్షకులను కట్టి పడేసింది.
విమర్శకుల ప్రశంసలు పొంది..
అప్పటికి చిరంజీవికి అయిదేళ్ల సీనియారిటీ, 50కి పైగా సినిమాలు చేసిన అనుభవం ఉంది. అయితే.. కుర్రాడిలా, విలన్, హీరో, ఆకతాయిగా, మాస్, క్లాస్ పాత్రల్లో చేసిన చిరంజీవికి ఒక ప్రయోగాత్మక సినిమా చేయడం ఇదే ప్రధమం. మెరుపు వేగంతో చిరంజీవి చేసే డ్యాన్సులు, ఫైట్లకు కేరాఫ్ అడ్రస్ గా మారిన చిరంజీవి ఈ సినిమా చేయడం విశేషంగానే చెప్పుకోవాలి. చిరంజీవి నటనకు ప్రేక్షకాభిమానుల ప్రశంసలే కాదు.. విమర్శకులు సైతం మెచ్చుకున్నారు. ప్రముఖ నవలా రచయిత యండమూరి వీరేంద్రనాధ్ రాసిన ‘అభిలాష’ నవల ఆధారంగా సినిమా తెరకెక్కింది. నవల చదివి చిరంజీవి తల్లి అంజనా దేవి ఈ కథను సినిమా చేయాలని హీరోగా నటించాలని చిరంజీవిని కోరారట. యండమూరి నవలలు సినిమాగా రావడం ఇదే మొదటిసారి.
చిరంజీవి మెరుపు వేగం..
అప్పటికి తమిళ సినిమాలు తెలుగులో డబ్బింగ్ చేసి విడుదల చేయడం, రేడియో పబ్లిసిటీ, డిస్ట్రిబ్యూటర్ గా ఉన్న కెఎస్ రామారావు ఈ సినిమా నిర్మించారు. చిరంజీవితో అప్పటికే హిట్లు ఇచ్చిన కోదండరామిరెడ్డి దర్శకత్వంలో సినిమా తెరకెక్కింది. మద్రాసులో ప్రివ్యూకు ఫ్లాప్ టాక్ వచ్చినా.. 1983 మార్చి 11న సినిమా విడుదలయ్యాక సూపర్ హిట్ అయి కలెక్షన్ల వర్షం కురిసింది. ఇళయరాజా సంగీతంలోని పాటలన్నీ సూపర్ హిట్లే. సందెపొద్దుల కాడ.. పాటలో కొంత చిరంజీవే స్వయంగా డ్యాన్స్ కంపోజ్ చేసుకున్నట్టు కోదండరామిరెడ్డి ఓ ఇంటర్వ్యూలో చెప్పారు. నవ్వింది మల్లెచెండు పాటలో చిరంజీవి చూపిన ఎనర్జీ ఇప్పటికీ ఆశ్చర్యం కలిగిస్తుంది. చిరంజీవి కెరీర్లో మరో 100 రోజుల సినిమాగా నిలిచింది.
739782 995033Excellent read, I just passed this onto a colleague who was doing a little research on that. And he actually bought me lunch since I found it for him smile Therefore let me rephrase that: Thank you for lunch! 23584
526625 421512An attention-grabbing dialogue is worth comment. I think that its finest to write extra on this topic, it wont be a taboo subject however generally individuals are not sufficient to speak on such topics. To the next. Cheers 935715
586274 614429Enjoyed reading this, really good stuff, thankyou . 461990
918775 490321I actually like forgathering utile info, this post has got me even much more info! . 309103
371737 73637I love your wp format, where did you get a hold of it? 656862