ఎక్స్ క్లూజివ్: చిరు ‘ఆచార్య’లో చరణ్ ఎంట్రీ ఎప్పుడు, ఎలా ఉంటుందో తెలుసా.?

మెగాస్టార్ చిరంజీవి హీరోగా చేస్తున్న సినిమా ‘ఆచార్య’. వరుస బ్లాక్ బస్టర్స్ తో దూసుకుపోతున్న కొరటాల శివ దర్శకత్వం వహిస్తున్న ఈ సినిమా ఇప్పటికే ఓ 30% షూటింగ్ పూర్తి చేసుకుంది. కరోనా పాండెమిక్ వలన షూటింగ్ ఆగిపోయింది. ప్రస్తుతం షూటింగ్ మళ్ళీ ఎప్పుడు మొదలవుతుందో తెలియని పరిస్థితి నెలకొంది. కాసేపు ఇది పక్కన పెడితే ఈ సినిమాలో మెగా పవర్ స్టార్ రామ్ చరణ్ కూడా ఓ కీలక పాత్రలో కనిపించనున్న సంగతి తెలిసిందే.

అందులోనూ చిరంజీవి – రామ్ చరణ్ లు గురు శిష్యులుగా కనిపించనున్నారు. ఆగష్టు 22న చిరంజీవి పుట్టిన రోజు కానుకగా ఈ చిత్ర ఫస్ట్ లుక్ ని రిలీజ్ చేయనున్నారు. తాజాగా మాకు ఓ ఆసక్తికరమైన అప్డేట్ లేసింది. అదేమిటంటే.. రామ్ చరణ్ పాత్ర సినిమాలో ప్రీ ఇంటర్వల్ బ్లాక్ దగ్గర ఎంటర్ అవుతుందట. రామ్ చరణ్ ఎంట్రీ సీన్ తో అప్పటి వరకూ వెళ్తున్న సినిమా నెక్స్ట్ లెవల్ కి వెళ్తుందట. అక్కడి నుంచి రామ్ చరణ్ సినిమాలో 40 నిముషాలు ఉంటారని సమాచారం. ముఖ్యంగా రామ్ చరణ్ కి ఇందులో ఓ హై వోల్టేజ్ యాక్షన్ ఎపిసోడ్ తో పాటు, ఓ డ్యూయెట్ కూడా ఉండనుంది.

ఇప్పటికే చిరంజీవి మీద రెండు యాక్షన్ ఎపిసోడ్స్ ని షూట్ చేసారని, అవి అద్భుతంగా రావడమే కాకుండా థియేటర్స్ లో అభిమానులు వెర్రెక్కిపోయేలా డిజైన్ చేసారని ఇదివరకే తెలిపాం. వాటికి మించే రామ్ చరణ్ యాక్షన్ ఎపిసోడ్ ని డిజైన్ చేశారట. రామ్ చరణ్ రోల్ సినిమాకి చాలా కీలకం కావడంతో తనకి జోడీగా కియారా అద్వానీని పరిశీలిస్తున్నారు. చిరు సరసన కాజల్ అగర్వాల్ హీరోయిన్ గా నటిస్తోంది.