Bollywood: ఒకప్పుడు బాలీవుడ్ సినిమా అంటే ఓ రేంజ్. ఒక బ్రాండ్. భారీ బడ్జెట్, గ్రాండ్ పాటలు ఆ ఇండస్ట్రీ సొంతం. కరోనా తర్వాత సీన్ రివర్స్ అయ్యింది. కోవిడ్ తర్వాత విడుదలైన బాలీవుడ్ భారీ బడ్జెట్ సినిమాలు బాక్సాఫీస్ వద్ద బోల్తా కొట్టాయి. కొంతకాలం పాటు సరైన హిట్లు లేక బాలీవుడ్ చతికిలపడింది. దాదాపు మూడేళ్లపాటు తన రేంజ్ కి తగ్గ హిట్ కోసం వెయిట్ చేసిన బాలీవుడ్ కి 2023 సంవత్సరం శుభారంభం పలికింది. భారీ బడ్జెట్ సినిమాలు కొన్ని హిట్ టాక్ సొంతం చేసుకోవడంతో ఆ ఇండస్ట్రీకి పునర్వైభవం వచ్చి పడుతోంది. ఆ లిస్టులో ఉన్న సినిమాలు ఏంటో చూద్దాం.
పఠాన్
ఏడాది ఆరంభంలోనే బాలీవుడ్ బాద్షా షారుక్ ఖాన్( Shah Rukh Khan).. ‘పఠాన్’ సినిమాతో బోణి కొట్టారు. రిపబ్లిక్ డే సందర్భంగా జనవరి 25న ఈ సినిమా విడుదలైంది. కాస్ట్యూమ్స్ విషయంలో విడుదలకు ముందే వివాదాల్లో చిక్కుకుంది. అయినప్పటికీ సినిమా హిట్ టాక్ సొంతం చేసుకోవడంతో బాక్సాఫీస్ వద్ద కాసుల వర్షం కురిపించింది. ప్రపంచవ్యాప్తంగా ఈ చిత్రం రూ.1000 కోట్లు వసూలు చేసినట్లు ట్రేడ్ వర్గాల అంచనా. సిద్ధార్థ ఆనంద్ దర్శకత్వం వహించిన ఈ సినిమాలో దీపిక పదుకొనే( Deepika Padukone)హీరోయిన్ గా నటించింది.
గదర్
2001 లో విడుదలైన ప్రేమ కథా చిత్రం ‘గదర్(Gadar)’ ఎంత హిట్ అయిందో తెలిసిందే. సన్నీడియోల్-అమీషా పటేల్( Ameesha Patel) జంటగా కేవలం రూ.18 కోట్లతో తెరకెక్కిన ఈ సినిమా బాక్సాఫీస్ వద్ద రూ.133 కోట్లు కొల్లగొట్టింది. సరిగ్గా 22 ఏళ్ల తర్వాత ఈ సినిమాకి సీక్వెల్ గా వచ్చిన ‘గదర్-2( Gadar-2)’ ఆగస్టు 11న విడుదలైంది. తొలిరోజే ఈ సినిమా రూ.40 కోట్ల గ్రాస్ ని వసూలు చేసింది. 20 ఏళ్ల క్రితం స్క్రీన్ పై మ్యాజిక్ ని ఆవిష్కరించిన సన్నీడియోల్- అమీషా జంట ఈ సినిమాలోను మెప్పించారు. విడుదలైన నాలుగు రోజుల్లో రూ.180 కోట్లు వసూలు చేసి బాక్సాఫీస్ వద్ద దూసుకుపోతోంది. మొదటి భాగాన్ని తెరకెక్కించిన అనిల్ శర్మ ఈ సినిమాకి కూడా దర్శకుడు.
ఓ మై గాడ్ -2
పదేళ్ల క్రితం వచ్చిన ‘ఓ మై గాడ్’ సినిమాకి కొనసాగింపుగా ‘ఓ మై గాడ్-2( Oh My God-2)’ తెరకెక్కింది. అక్షయ్ కుమార్( Akshay Kumar), పంకజ్ త్రిపాఠి,యామి గౌతమ్( Yami Goutham) ప్రధాన పాత్రల్లో ఈ సినిమా రూపొందింది. ఆగస్టు 11న విడుదలైన ఈ చిత్రం బాక్సాఫీస్ వద్ద హిట్ టాక్ తో దూసుకుపోతోంది. ఈ సినిమాలో శివుడి గా అక్షయ్ కుమార్, లాయర్ గా యామి గౌతమ్ నటనకు ప్రేక్షకులు ఫిదా అవుతున్నారు. ఈ సినిమా విడుదలైన తొలి వారంలోనే రూ. 60 కోట్లు వసూలు చేసినట్లు ట్రేడ్ వర్గాలు వెల్లడించాయి. హిట్ టాక్ తెచ్చుకోవడంతో మరిన్ని వసూలు పెరిగే అవకాశం ఉంది.
‘పఠాన్’ తర్వాత విడుదలైన కొన్ని భారీ బడ్జెట్ సినిమాలు చేతులెత్తేసినప్పటికీ ఈ రెండు సినిమాలు హిట్ టాక్ తెచ్చుకోవడం బాలీవుడ్ కి కాస్త ఉపశమనం కలిగించే విషయం.
Thanks a ton for sharing this nice internet site. [url=https://gokseong.multiiq.com/bbs/board.php?bo_table=free&wr_id=328320]alli 60 mg in Belgien ohne Rezept erhältlich[/url]