బిగ్బాస్ మూడో సీజన్లో మొదటి నుంచీ ఎలిమినేషన్స్ అడ్డగోలుగానే సాగుతున్నాయి. ఒకరి స్థానంలో ఇంకొకరు ఎలిమినేట్ అవుతున్నారు. గత వారం పునర్నవి భూపాలం ఎలిమినేట్ అవడం పెద్ద షాక్. అంతకు ముందూ అంతే. తక్కువ ఓట్లు వచ్చిన కంటెస్టెంట్ని షోలో వుంచడానికి అంతకన్నా కాస్త ఎక్కువ ఓట్లు వచ్చిన కంటెస్టెంట్ని బయటకు పంపించేస్తున్నారంటూ ప్రచారం జరుగుతున్న విషయం విదితమే.
ఇక, తాజాగా బిగ్లీక్ ప్రకారం మహేష్ విట్టా ఎలిమినేట్ అయినట్లు తెలుస్తోంది. దాదాపుగా లీక్స్ అన్నీ నిజమవుతున్న దరిమిలా, మహేష్ విట్టా ఎలిమినేషన్ ఖాయమనే అనుకోవచ్చు. అయితే, మహేష్ విట్టాని ఎవరి ఖాతాలో బయటకు పంపేస్తున్నారు.? అన్నదానిపై భిన్నాభిప్రాయాలు వ్యక్తమవుతున్నాయి. రాహుల్కి తక్కువ ఓట్లు వస్తే, అతన్ని సేవ్ చేయడానికి మహేష్ని బలి చేశారంటున్నారు కొందరు. కాదు కాదు, మహేష్ ఎప్పుడో బయటకు వెళ్ళాల్సినవాడు.. ఇప్పుడెళుతున్నాడు అని ఇంకొందరు అంటున్నారు.
టాప్ 5లో ఎవరుంటారు.? అన్నదానిపై రకరకాల జోస్యాలు విన్పిస్తున్నప్పటికీ, అంతిమంగా నిర్ణయం బిగ్బాస్దే. బిగ్బాస్ ఎలా నిర్ణయిస్తే అలాగే జరుగుతోంది వ్యవహారం. ‘నా షో.. నా ఇల్లు.. నా ఇష్టం..’ అన్నట్టుంది బిగ్బాస్ వ్యవహారం. ఆ మాత్రందానికి రియాల్టీ షో అనడమెందుకు.? పేరు మార్చేసి, బిగ్ యాక్టింగ్ షో అనేయొచ్చు కదా.. అని జనం విసుక్కుంటున్నారు.
ఇక, మహేష్ విట్టా గనుక ఔట్ అయిపోతే.. హౌస్లో పుల్లలు పెట్టేవారెవరుంటారు.? అనే ప్రశ్న కూడా ఉత్పన్నమవుతోంది. ఈ విషయంలో మహేష్ని మించిపోయే క్యాండిడేట్ శ్రీముఖి వుంది కదా.? అలీ తక్కువోడేం కాదా.? బాబా భాస్కర్ కూడా అంతే. అందరికీ మించి శివజ్యోతి కూడా! అంటూ ఎవరికి తోచిన రీతిలో వారు ఈ షోపై కామెంట్లు వేస్తున్నారు. కాస్సేపట్లో నాగ్ ‘షో’ చెయ్యబోతున్నాడు. ఎలిమినేషన్ రేపు వుంటుంది.
823244 840910Fantastic paintings! This is the kind of information that need to be shared about the internet. Disgrace on Google for now not positioning this publish upper! Come on over and talk more than with my internet site . Thanks =) 54593