Elephant: కుటుంబం తమ పిల్లల సంరక్షణను ఎలా చూసుకుంటుందో మానవ సంబంధాలలో చూస్తూంటాం. తమకూ తెలుసనిపించేలా ఉన్న అడవిలోని ఏనుగులకు సంబంధించిన వీడియో వైరల్ అవుతోంది. ఐఏఎస్ అధికారిణి సుప్రియా సాహు ‘ఎక్స్’లో పోస్ట్ చేసిన వీడియోలో గున్న ఏనుగును ఏనుగులు సంరక్షిస్తున్న తీరు ఆకట్టుకుంటోంది.
తమిళనాడులోని అన్నామలై టైగర్ రిజర్వ్ ఫారెస్ట్ లోనిదీ దృశ్యం. గున్న ఏనుగు నిద్రిస్తుంటే రక్షణ వలయంలా ఏర్పడి మిగిలిన ఏనుగులూ నిద్రిస్తున్నాయి. మరో ఏనుగు వీటికి కాపలా అన్నట్టు మేల్కొని చుట్టూ గమనిస్తోంది.
చూసేందుకు ఎంతో ముచ్చటగా ఉన్న వీడియోకు.. ‘అన్నామలై అడవుల్లో చూడచక్కని చక్కటి ఏనుగు కుటుంబం. గున్న ఏనుగుకు ఆ కుటుంబం జెడ్ కేటగిరీ భద్రత కల్పిస్తున్నట్టు ఉంది. మరో ఏనుగు పహారా కాయడం. అచ్చంగా మానవ సంబంధాల్లో మనుషులు చేసినట్టే ఉంద’ని రాసుకొచ్చారు సుప్రియ.
15సెకన్ల వీడియోపై నెటిజన్లు.. ‘అద్భుతమైన వీడియో చిత్రీకరించిన అటవీ బృందానికి ధన్యవాదాలు.. అందమైన వీడియో.. చూడముచ్చటైన ఏనుగు కుటుంబం’ అంటూ నెటిజన్లు కామెంట్స్ చేస్తున్నారు.
A beautiful elephant family sleeps blissfully somwhere in deep jungles of the Anamalai Tiger Reserve in Tamil Nadu. Observe how the baby elephant is given Z class security by the family. Also how the young elephant is checking the presence of other family members for reassurance.… pic.twitter.com/sVsc8k5I3r
— Supriya Sahu IAS (@supriyasahuias) May 16, 2024