బిగ్ బాస్ తెలుగు 5: లహరికి మరోమారు దెబ్బేసిన రవి… మూడో కెప్టెన్ ఎవరు?- ఎపిసోడ్ 19

ముందు వారాలు కెప్టెన్సీ టాస్క్ సంగతి ఎలా ఉన్నా కానీ మూడో వారం మాత్రం చాలా ఫన్నీగా సాగింది. హైదరాబాద్ అమ్మాయి అమెరికా అబ్బాయి టాస్క్ లో మూడు టీమ్స్ గా డివైడ్ చేసిన విషయం తెల్సిందే. ఇక రవికి సీక్రెట్ టాస్క్ ఇచ్చారు. ప్రియా నెక్లెస్ ను దొంగలించడమే రవికి ఇచ్చిన సీక్రెట్ టాస్క్. అది విజయవంతంగా పూర్తి చేయడంతో కెప్టెన్సీ కంటెండర్ గా నిలిచాడు.

ఇక హైదరాబాద్ అమ్మాయి అమెరికా అబ్బాయి టాస్క్ లో మూడు టీమ్స్ నుండి ముగ్గురిని ఎంపిక చేయమని బిగ్ బాస్ ఆదేశించగా శ్రీరామ్, జెస్సి, శ్వేతాను ఎంపిక చేశారు. దీంతో రవితో పాటు వీళ్ళ ముగ్గురూ కూడా మూడో వారం కెప్టెన్సీ టాస్క్ కు పోటీదారులుగా నిలిచారు. అయితే ఇక్కడ మరో చిన్న వివాదం జరిగింది.

లహరి కూడా కెప్టెన్సీ పోటీదారునిగా ఉండటానికి తనకు అర్హత ఉందని చాలానే ఫైట్ చేసింది. అయితే ఇక్కడ రవి కొంత డబల్ గేమ్ ఆడినట్లు అనిపించింది. రవి… జెస్సి, లహరిలలో తాను ఎవరికి సపోర్ట్ ఇస్తోంది అన్నది క్లియర్ గా చెప్పకుండా అటూ ఇటూ ఊగుతూ చివరికి లహరిని కన్విన్స్ చేసి జెస్సికి సపోర్ట్ ఇచ్చేలా చేసాడు. లహరికి చివరిగా హగ్ ఇచ్చి బుజ్జగించాడు.

దీంతో రవి వల్ల లహరికి మరోసారి దెబ్బ పడింది. ఇన్ డైరెక్ట్ గా రవికి కూడా మైనస్ అయింది. ఎందుకంటే జెస్సీ బదులు లహరికి సపోర్ట్ చేసి ఉంటే ఎలా ఉండేదో కానీ జెస్సీకి సపోర్ట్ చేయడం వల్ల కెప్టెన్సీ టాస్క్ లో ఓడిపోవాల్సి వచ్చింది. కెప్టెన్సీ టాస్క్ లో భాగంగా శ్రీరామ్, జెస్సీ, శ్వేతా, రవిలు స్విమ్మింగ్ పూల్ లోకి దూకి అందులో కెప్టెన్ అన్న అక్షరాలను ఒక్కొక్కటిగా తీసుకొచ్చి పేర్చాలి.

ముందుగా అది ఎవరు చేస్తారో వాళ్ళే ఈ వీక్ కు ఇంటి కెప్టెన్ అవుతారు. అందరికంటే ముందుగా జెస్సీనే ఆ పనిచేయడంతో టాస్క్ లో గెలుపొంది ఇంటి కెప్టెన్ అయ్యాడు. ఇక్కడ ఒక విషయం గమనిస్తే ఈ వారం నామినేషన్స్ లో రవి… జెస్సీను ఉద్దేశించి నువ్వు చిన్న చెడ్డీలు వేసుకుని కాలు నొప్పి అని చెప్పడం తప్ప ఇంట్లో ఏం చెయ్యట్లేదు అని నామినేట్ చేసాడు. ఇప్పుడు అదే జెస్సీ, రవిని కెప్టెన్సీ టాస్క్ లో ఓడించాడు. దీంతో సిరి, విశ్వ తర్వాత కెప్టెన్ గా జెస్సీ నిలిచాడు.