బిగ్ న్యూస్ : బాబు అరెస్ట్.. ఆంధ్రాలో ఉద్రిక్తత..

ఆంధ్రప్రదేశ్ లో అమరావతి విషయంలో రైతులు ఆందోళనలు చేస్తున్నారు. రాజధానిని అమరావతి నుంచి మార్చేందుకు వీలులేదని రైతులు పట్టుబడుతున్నారు. ఒక్క రైతులే కాదు, సామాన్య ప్రజలు కూడా రోడ్డుపైకి వచ్చి ఆందోళనలు చేస్తున్నారు. రైతుల నిరసనలలో గుంటూరు, కృష్ణ, పశ్చిమ గోదావరి, ప్రకాశం, నెల్లూరు జిల్లాలు అట్టుడికి పోతున్నాయి. ప్రజలు రోడ్డుమీదకు వచ్చి ఆందోళనలు చేస్తుండటంతో లా అండ్ ఆర్డర్ అదుపు తప్పింది.

రైతులు చేస్తున్న ఉద్యమానికి తెలుగుదేశం పార్టీ పూర్తిగా సపోర్ట్ చేస్తున్నది. రైతుల పక్షాన నిలుస్తూ వారికి మద్దతుగా దీక్షలు చేయడం, ధర్నాలు చేయడం వంటివి చేస్తున్నారు. తాజాగా చంద్రబాబు నాయుడు ఈరోజు విజయవాడలో అమరావతి సమితి కేంద్ర కార్యాలయంలో దగ్గరలో వేదిక కల్యాణ మండపం వద్ద చంద్రబాబు నాయుడు సిపిఐ నేతలు చేపట్టిన బస్సు యాత్రను ప్రారంభించేందుకు వెళ్లారు. అలా వెళ్లిన బాబును పోలీసులు అడ్డుకున్నారు. దీంతో అక్కడ ఉద్రిక్తకరమైన పరిస్థితులు నెలకొన్నాయి.

బెంజ్ సర్కిల్ వద్దనే బాబు కూర్చొని పోలీసులకు వ్యతిరేకంగా నినాదంలు చేశారు. ప్రజలు శాంతియుతంగా ఉద్యమం చేస్తున్నారని, ఇలా అడ్డుకోవడం సరికాదని అన్నారు. రోడ్డుపై బైఠాయించిన బాబును అక్కడి నుంచి పంపించేందుకు పోలీసులు శతవిధాలా ప్రయత్నం చేశారు. కానీ కుదరక పోవడంతో బాబును, బాబుతో పాటు మరికొంతమంది నేతలను పోలీసులు అరెస్ట్ చేసి అదుపులోకి తీసుకున్నారు. దీంతో అక్కడికి చేరుకున్న ప్రజలు పెద్ద ఎత్తున సీఎం జగన్ కు వ్యతిరేకంగా నినాదాలు చేశారు. చంద్రబాబుతో పాటుగా నారా లోకేష్, అమరావతి పరిరక్షణ సమితి నేతలు, తెలుగుదేశం పార్టీ నేతలను పోలీసులు అరెస్ట్ చేసి పోలీసు వాహనాల్లో తరలించారు. అయితే ఎక్కడికి వారిని తరలిస్తున్నారు అనే విషయం మాత్రం బయటకు తెలియడం లేదు.