ఎవరెవరికో భారతరత్న పురస్కారం దక్కుతోంది. అలాగని, ఆయా వ్యక్తుల్ని తక్కువ చేసి మాట్లాడలేం. కానీ, స్వర్గీయ నందమూరి తారకరామారావుకి ఎందుకు భారతరత్న ఇవ్వడంలేదు.? అన్నదే కీలకమైన ప్రశ్న ఇక్కడ. స్వర్గీయ ఎన్టీయార్.. పరిచయం అక్కర్లేని పేరిది. తెలుగునాట రాముడన్నా, కృష్ణుడన్నా ఎన్టీయార్ మాత్రమేననేంతలా ఆయన నటించిన పౌరాణిక సినిమాలు తెలుగు ప్రజల గుండెల్లో చిరస్థాయిగా నిలిచిపోతాయి. మహానటుడు ఎన్టీయార్, రాజకీయ రంగంపైనా తనదైన ముద్ర వేశారు. సొంతంగా పార్టీ పెట్టి, తెలుగునాట అధికారంలోకి రావడమే కాదు, దేశ రాజకీయాల్లోనూ చక్రం తిప్పారు. అలాంటి స్వర్గీయ నందమూరి తారకరామారావుకి భారతరత్న పురస్కారం ఇచ్చి గౌరవించుకోవడం మనందరి భాధ్యత.. అంటారు ఆయన అభిమానులు. సినిమాల్లోనూ, రాజకీయాల్లోనూ ఆయన్ని అభిమానించేవారు ఎప్పటికీ వుంటారు. అంతటి మహనీయుడికి భారతరత్న ఎందుకు దక్కడంలేదు.?
జయంతికి, వర్ధంతికి మాత్రమే ‘ఎన్టీయార్కి భారతరత్న ఇవ్వాలి’ అనే డిమాండ్ తెరపైకొచ్చి, ఆ తర్వాత ఆ విషయాన్ని అంతా ఎందుకు మర్చిపోతుంటారు.? నిజానికి, ఎన్టీయార్ కుటుంబ సభ్యుల్లో చాలామంది రాజకీయాల్లో ఓ వెలుగు వెలుగుతున్నారు. ఎన్టీయార్ అల్లుడు చంద్రబాబు కూడా జాతీయ రాజకీయాల్లో చక్రం తిప్పారు.. టీడీపీ ప్రస్తుత అధినేత ఆయనే. ముఖ్యమంత్రిగా ఉమ్మడి తెలుగు రాష్ట్రానికి రికార్డు కాలం పాటు పనిచేశారు. 13 జిల్లాల ఆంధ్రపదేశ్ ముఖ్యమంత్రిగానూ పనిచేశారు. కేంద్ర రాజకీయాల్లో చక్రం తిప్పినప్పుడు చంద్రబాబు, స్వర్గీయ ఎన్టీయార్కి భారతరత్న కోసం పోరాడలేదన్న విమర్శ వుంది. స్వర్గీయ ఎన్టీయార్ కుమార్తె పురంధరీశ్వరిక గతంలో కేంద్ర మంత్రిగా పనిచేశారు. స్వర్గీయ ఎన్టీయార్ తనయుడు హరికృష్ణ రాజ్యసభ సభ్యుడిగా పనిచేశారు. ప్రస్తుతం స్వర్గీయ ఎన్టీయార్ మరో తనయుడు బాలకృష్ణ ఎమ్మెల్యేగా ప్రాతినిథ్యం వహిస్తున్నారు.
అయినా, ఎవరూ చేయాల్సిన స్థాయిలో పోరాటం చేయలేదు స్వర్గీయ ఎన్టీయార్కి భారతరత్న ఇవ్వాలనే డిమాండ్తో. ఏ కాంగ్రెస్ పార్టీకి వ్యతిరేకంగా అయితే స్వర్గీయ ఎన్టీయార్ టీడీపీని స్థాపించారో, ఆ కాంగ్రెస్ పార్టీ కూడా పలు సందర్భాల్లో ఎన్టీయార్ ఘనతల గురించి మాట్లాడింది. బీజేపీ సంగతి సరే సరి. జాతీయ పార్టీలు సైతం స్వర్గీయ ఎన్టీయార్ని కీర్తిస్తాయిగానీ, ఆయనకు మాత్రం భారతరత్న ఇచ్చేందుకు తమ హయాంలో ప్రయత్నించవు. ఎందుకు.? తెలుగువాడనే చిన్నచూపా.? అంతకన్నా ఇంకేమైనా ప్రత్యేక కారణాలున్నాయా.?
728711 727842As I website possessor I believe the content matter here is rattling great , appreciate it for your efforts. You must maintain it up forever! Greatest of luck. 920968