అంతేనా .. నారాయన్నారాయణ ?

ఈ మధ్య కాలంలో పాన్ ఇండియన్ సినిమాల హవా మాములుగా లేదు. కేవలం ఒకే భాషకు పరిమితం కాకుండా అనుకున్న సినిమాకే ఇంకాస్త బడ్జెట్ పెంచేసి పాన్ ఇండియన్ సినిమాగా అన్ని భాషల్లో విడుదల చేస్తున్నారు. ఈ విషయంలో స్టార్ హీరోలు, కొత్త హీరోలు అనే తేడా ఏమి లేదు. ఈ సినిమాలకు కొత్త ఊపు ఇచ్చింది మాత్రం బాహుబలి అని ఖచ్చింతగా చెప్పాల్సిందే. ఇక యూనివర్సల్ గా సినిమాలను విడుదల చేస్తూ స్టార్ డం తెచ్చుకోవాలనుకునే హీరోలు కొందరు సక్సెస్ అయితే .. ఎక్కువమంది మాత్రం అట్టర్ ప్లాపులను అందుకుంటున్నారు.

ఈ నేపథ్యంలో వచ్చిన చిత్రం అతడే శ్రీమన్నారాయణ. కన్నడంలో కెజిఎఫ్ ఇచ్చిన ఉత్సహంతో యువ హీరో రక్షిత్ శెట్టి హీరోగా నటించిన చిత్రమిది. సినిమా మొదటి నుండి భారీ హంగామా చేసారు. ఇక ట్రైలర్ అయితే ఓ రేంజ్ ల లో ఉందన్న కామెంట్స్ వచ్చాయి. ట్రైలర్ విడుదల తరువాత సినిమాపై అంచనాలు మాత్రం భారీగానే ఏర్పడడంతో టీం కొత్త ఉత్సాహంతో ప్రమోషన్ ని గట్టిగానే చేసింది. భారీ అంచనాల నడుమ న్యూ ఇయర్ రోజున విడుదలైన అతడే శ్రీమన్నారాయణ .. ఊసూరుమనిపించాడు ?

ట్రైలర్ లో ఉన్న జోష్ సినిమాలో లేదు. ఈ సినిమాతో పాన్ ఇండియా స్టార్ గా ఎదగాలనుకున్న రక్షిత్ ఆశలు అడియాశలయ్యాయి. సినిమా విడుదల సమయంలో ప్రమోషన్ విషయంలో కాస్త నెగ్లెక్ట్ చేశారేమో అనిపిస్తుంది .. ఎందుకంటే సినిమా విడుదలైన సంగతికూడా చాలా మంది జనాలకు తెలియదు మరి. స

రే మొత్తానికి విడుదలైన ఈ సినిమా సరైన కంటెంట్ లేకపోవడంతో డిజాస్టర్ అయిందంటూ టాక్ మొదలైంది. ఓ పోలీస్ అధికారి నిధిని కనిపెట్టే నేపథ్యంతో తెరకెక్కిన ఈ సినిమా పవన్ కళ్యాణ్ గబ్బర్ సింగ్ పోలికలు అచ్చుగుద్దినట్టుగా ఉన్నాయనే టాకును తెచ్చుకుంది. మొత్తానికి కొత్త సంవత్సరం రోజున .. శ్రీమన్నారాయణ .. నారాయణ అనిపించాడు!!