తెలుగు, తమిళ భాషల్లో స్టార్ ఇమేజ్ ఉన్న సూర్య హీరోగా, గురు సినిమాతో తన సత్తా చాటుకున్న సుధ కొంగర డైరెక్షన్ లో చేసిన సినిమా ‘ఆకాశం నీ హద్దు రా’. ఎయిర్ డెక్కన్ ఫౌండర్ జిఆర్ గోపినాథ్ జీవితంలోని కొన్ని యదార్థ సంఘటనల ఆధారంగా రూపొందిన ఈ సినిమా కోవిడ్ కారణంగా థియేటర్స్ లో కాకుండా డైరెక్ట్ గా ఓటిటిలో రిలీజయ్యింది. మరి ఆ సినిమా ఎలా ఉందో ఇప్పుడు చూద్దాం..
కథ:
చంద్ర మహేష్(సూర్య) కి జీవితంలో జరిగిన ఒక పర్సనల్ లాస్ వలన సామాన్య ప్రజలు ఒక రైల్వే టికెట్ ధరకే విమానయానం చేసేలా తనొక ఎయిర్ వేస్ స్టార్ట్ చేయాలని అనుకుంటాడు. తన దగ్గర పర్ఫెక్ట్ ప్లాన్ ఉంటుంది కానీ ఎవరూ అతనికి లోన్ ఇవ్వరు. కానీ తన ప్రయత్నాల్ని మాత్రం ఆపడు. చివరికి తన ఐడియా తో ఇండియా లో టాప్ ఎయిర్ వేస్ ఓనర్ అయిన పరేష్(పరేష్ రావల్)ని సంప్రదిస్తాడు. కానీ పరేష్ మహేష్ చెప్పిన ఐడియా తిరష్కరించడమే కాకుండా, మహేష్ డ్రీం నిజం కాకుండా అడ్డుపడతాడు. అలా అడ్డు పడిన ప్రతి అడ్డంకిని ఎదుర్కొని, చివరికి మహేష్ సామాన్యుడు అతి తక్కువ ధరకే ఫ్లైట్ ఎక్కాలనే తన డ్రీమ్ ని నిజం చేశాడా? లేదా? అనేదే కథ.
తెర మీద స్టార్స్..
మొదటగా ఈ సినిమాకి చేసిన నటీనటుల ఎంపిక 200% పర్ఫెక్ట్ గా సెట్ అయ్యిందని చెప్పాలి. ఆ విషయంలో డైరెక్టర్ సుధ కొంగర ఫస్ట్ సక్సెస్ కొట్టేసింది. మొదటగా సినిమాని నడిపించిన హీరో సూర్య ఇచ్చిన పాత్రలో ఒదిగిపోయాడు. నటనలో సరికొత్త సూర్యని చూడడమే కాకుండా ప్రతి ఒక్కరూ పాత్రతో కనెక్ట్ అయిపోతారు. తెరపై సూర్య ఏ ఎమోషన్ చూపుతుంటే ఆ ఎమోషన్ కి ఆడియన్స్ కనెక్ట్ ఐపోతారు. తను నవ్వితే నవ్వుతారు, పాట పడితే డాన్స్ వేస్తారు, ఏడిస్తే ఏడుస్తారు ఇలా అన్నిటికీ కనెక్ట్ అయిపోతారు. ఓవరాల్ గా సూర్య తన నటితో సినిమాని అందరి మనసును టచ్ చేసాడు. హీరోయిన్ గా చేసిన అపర్ణ బాలమురళి కూడా టఫ్ గర్ల్ గా, వైఫ్ గా అదరగొట్టింది. ఇక ముఖ్య పాత్రలు చేసిన మోహన్ బాబు, పరేష్ రావల్ లాంటి వాళ్ళు సినిమాకి మరింత హెల్ప్ అయ్యారు.
తెర వెనుక టాలెంట్..
కెప్టెన్ అఫ్ ది షిప్ అయిన సుధ కొంగరకి ఇలాంటి హార్ట్ టచింగ్ స్టోరీని తెరపైకి తీసుకొచ్చే ధైర్యం చేసినందుకు హ్యాట్సాఫ్ చెప్పాలి. కథ దగ్గర నుంచీ తను తీసుకున్న జాగ్రత్త సినిమాలో క్లియర్ గా తెలుస్తుంది. కథ పరంగా పాత్రలని తీర్చిదిద్దిన విధానం, ఎమోషన్స్ ని పొందుపరిచిన విధానం సూపర్ అని చెప్పాలి. కథనం పరంగా ఒక 10-20% తప్ప మిగతా అంతా గ్రిప్పింగ్ గా తీసుకెళ్లింది. సెకండాఫ్ లో కొన్ని కొన్ని సన్నివేశాలను మనం ఊహించేయగలగడం, ఇంకా ఎన్ని సమస్యలు వస్తూనే ఉంటాయి అనే చిన్న ఫీలింగ్ కాసేపు కలుగుతుంది. అలాగే కథా పరంగా అక్కడక్కడా కాస్త కామెడీని వర్కౌట్ చేసి ఉండచ్చు కానీ చేయకపోవడం కాస్త బోరింగ్ అనిపిస్తుంది. ఇక డైరెక్టర్ గా అయితే తను అనుకున్న కథని, ఎమోషన్ ని పర్ఫెక్ట్ గా రీచ్ చేయడంలో సూపర్ సక్సెస్ అయ్యింది. ఓవరాల్ గా డైరెక్టర్ గా ఫెంటాస్టిక్ అనిపించుకుంది.
ఇక టెక్నికల్ డిపార్ట్ మెంట్ లో ఈ సినిమాకి ప్రధాన బలం నికేత్ బొమ్మిరెడ్డి సినిమాటోగ్రఫీ, జివి ప్రకాష్ కుమార్ మ్యూజిక్. విజువల్స్ ఎంత రియలిస్టిక్ గా మనకు కథని కనెక్ట్ చేశాయో, అంతే ఎఫెక్ట్ గా ఆ విజువల్స్ మనకు గుర్తుండిపోయేలా మ్యూజిక్ ఉంది. పాటలు, నేపధ్య సంగీతం అదరగొట్టేసాడు జివి ప్రకాష్ కుమార్. సతీష్ సూర్య ఎడిటింగ్ కూడా బాగుంది. ఇలాంటి సినిమాతో సూర్య తన ప్రొడక్షన్ కి ఎనలేని గౌరవం తెచ్చిపెట్టారని చెప్పచ్చు.
విజిల్ మోమెంట్స్:
– సూర్య మాస్టర్ పీస్ పెర్ఫార్మన్స్
– ప్రేక్షకుల మనసుకు హత్తుకునే కథ
– సూపర్బ్ ఫస్ట్ హాఫ్
– ఎమోషనల్ సీన్స్
– హార్ట్ టచింగ్ క్లైమాక్స్
– ఫెంటాస్టిక్ డైరెక్షన్
– విజువల్స్ + మ్యూజిక్
బోరింగ్ మోమెంట్స్:
– సెకండాఫ్ కాస్త సాగినట్టు ఉండడం
– రిపీట్ అనిపించే సమస్యలు
– ఇంకాస్త బెటర్ కామెడీ
విశ్లేషణ:
కరోనా పాండెమిక్ టైం నుంచీ ఓటిటిలో ఒక మంచి సూపర్ హిట్ సినిమా చూడాలి అనుకునే వారి కోరికని సూర్య నటించిన ‘ఆకాశమే నీ హద్దు రా’ తీర్చిందని చెప్పచ్చు. ఆకాశం నీ హద్దు రా సినిమా ప్రతి ఒక్కరికీ పాత్రల పరంగా, ఎమోషన్ పరంగా పక్కాగా కనెక్ట్ అవుతుంది . అదీ కాక యదార్థ సంఘటన ఆధారంగా, ఎంతో కొంత తెలిసిన కథ కావడం వలన ఇంకా బాగా కనెక్ట్ అవుతుంది. ఓవరాల్ గా ఆకాశం నీ హద్దు రా ప్రేక్షకుల మనసుకు దగ్గరయ్యే ఎమోషనల్ రైడ్.
చూడాలా? వద్దా?: ఇంట్లోని సభ్యులంతా హ్యాపీగా చూడచ్చు.
తెలుగుబులెటిన్.కామ్ రేటింగ్ : 3.25/5
Ich suche durch die Meinung Studien von abwechslungsreiche liefert Ihnen Info über jeweils Gesamt Zahlung
Prozent und spielenden Subventionen.
312575 89749Excellent weblog here! Also your website loads up very quick! What host are you utilizing? Can I get your affiliate link to your host? I wish my internet site loaded up as rapidly as yours lol xrumer 45642
165890 837737Nice 1, there is actually some wonderful facts on this post some of my subscribers may possibly uncover this helpful, will send them a link, numerous thanks. 710601
234506 92952whoa, this really is a actually great piece of data. I read about something like this before, this is impressively wonderful stuff. 988495